متتحملوش فوق طاقتكم .. متحاولوش ارضاء حد بتحبوه على حساب نفسكم ومشاعركم لأن ده أول إنسان هتئذوه من غير ما تشعروا .. ماتكابروش وتخفوا مشاعركم .. غيران قول انا غيران .. بحق أو من غير حق قول ان دي مشاعرك وانها مش لازم تبقى مقنعة عشان تحس بيها .. زعلان وغضبان متمثلش انك انسان نبيل
+
+
قول للي بعد عنك بأي عذر انك مش موافق وانك مش لعبة بيلعبها ولما يزهق منها يرميها وبعدين توحشة يلعب بيها تاني .. ساعتها انت زي ما كدبت وخبيت انك غضبان هتكدب وتخبي انك من غير ما تحس انتقمت لنفسك وخنته .. قول من الاول لأ .. لأ لما يبعد ولأ لما يرجع كأن دورك الوحيد ترضيه وبس
++
++
لأنك بعد شويه هتدمره وتدمر نفسك وتدمر علاقة كان ممكن تتهز شويه لما تقول لأ لكن هتستمر بشكل سوي وعادل .. اوعى تتحمل اي شئ انت مش راضي عنه من غير ما تظهر وتعبر عن عدم رضاك وثورتك بدعوى انك بتحافظ على الشريك انت بتقتل الشراكة من غير ما تحس ! اتخانق وزعق وعبر عن مشاعرك لحظيا
++
++
لأنك لو كتمتها قد يبدو انك متسامح ونبيل .. بس كبت = انفجار .. وهيبقى انفجار في نفسك وفي الشخص الي انت فاكر نفسك خايف عليه او بتحافظ على علاقتك بيه .. مهما عملت في لحظة الزعل او الغيرة او الرفض هيكون أفضل كتير من كبته وتحولة لقنبلة تدمر كل حاجه دمار شامل
جاري تحميل الاقتراحات...