اشكالية التقبل في العلاقات ..
---
شوف الـ Thread
---
شوف الـ Thread
لو جيت سألتني ايه الصح في تقبل الشخص اللي بتحبه ؟ هقولك ان أصح حاجة انك تتقبل الشخص ده زي ما هو بكل عيوبه و مميزاته و تغيراته اللي هتحصل في المستقبل و تتقبل ان مميزاته ممكن تتحول لعيوب
لكن هل الكلام اللي فوق ده واقعي ؟ الاجابه لا ، نادر جداً جداً ان ده يحصل ، لأن ده حب غير مشروط و الطبيعي ان في عيوب مستحيل تتقبلها في الشخص التاني مهما اتغير ، الحب غير المشروط الوحيد اللي ممكن تقابله في حياتك هو حب الاهل ، حب ابوك و امك ليك بكل تغيراتك
موضوع التقبل ده بينقسم نوعين :
--
١- قبل ما تاخد قرار الارتباط :
وقتها بيكون في عيوب ظاهرة على الشخص اللي بتحبه ، مثلاً الشخص ده بيدخن او غير محجبة ، مينفعش ترتبط بيه و انت مش متقبل العيب ده و بعدين تغيره ، هنا مش من حقك اصلاً انك تغيره او تطلب منه يغيره
--
١- قبل ما تاخد قرار الارتباط :
وقتها بيكون في عيوب ظاهرة على الشخص اللي بتحبه ، مثلاً الشخص ده بيدخن او غير محجبة ، مينفعش ترتبط بيه و انت مش متقبل العيب ده و بعدين تغيره ، هنا مش من حقك اصلاً انك تغيره او تطلب منه يغيره
و مش من حقك لأن ببساطه انت شايف العيوب دي قدامك قبل ما تقرر ترتبط و بالتالي لما خدت القرار بالارتباط بالشخص ده ، معناه انك موافق و متقبل كل عيوبه ، فلما تاخد القرار و في عيوب مش حاببها و حاولت تغير و الشخص التاني رفض التغيير ده ، فدي غلطتك انت
النوع التاني : انك تتقبل العيوب قبل الارتباط و تلاقي تغيرات حصلت بعد الارتباط
---
هنا بقا من حقك تطلب من الشخص التاني انه يتغير ، لان دي عيوب حصلت بعد الارتباط و بالتالي في عيوب ممكن متتقبلهاش لأنك ليك حقوق على الشخص ده بتديك الحق انك تطالب بتغييره
---
هنا بقا من حقك تطلب من الشخص التاني انه يتغير ، لان دي عيوب حصلت بعد الارتباط و بالتالي في عيوب ممكن متتقبلهاش لأنك ليك حقوق على الشخص ده بتديك الحق انك تطالب بتغييره
اللي بيحصل غالباً ان الشخص التاني بيرفض محاولة التغيير و تسمع كلام من نوعية [ المفروض تتقبل عيوبي .. و تقبلني زي ما انا ] ، لكن الكلام ده مش صح اطلاقاً لانك ببساطه مش عايش لوحدك ، لما تكون عايش لوحدك يبقى براحتك اتغير زي ما تحب محدش له حاجة عندك ، لكن في ناس لهم حقوق عليك
فكرة ان الشخص اللي معاك يحبك حب غير مشروط دي نادرة و مش طبيعية اصلاً ، لأن اللي بيخليني احب فلان و افضله عن فلان التاني في الأغلب هو مميزات موجودة في الاول عاجباني و شدتني له و مش موجودة في التاني
فالطبيعي ان الشخص ده وقت ما يحبك هيحبك عشان مواصفات معينة موجودة فيك ، فلما تيجي تتغير في المواصفات دي و تتحول لعيوب هو ببساطه ممكن ميتقبلش بعض العيوب منها و ميقدرش يتعايش معاها ، فلما يجي يطلب منك تغيره و يعاتبك فده معناه انه باقي عليك لكن مش قادر يعيش مع ده
المصيبة ان الناس بتفهم العتاب و رغبة التغيير في الحالة دي ان ده تسلط و تحكم فيهم ، لكن مش بيبصوله ان ده عتاب و انك باقي على العلاقه دي و عايزها تكمل ، فده بيخليهم يعندوا اكتر و تسمع كلام من عينة اللي بيحبني يتقبلني ...
و في الحالة ده من حق الطرف التاني اللي مش متقبل العيوب دي و حاول يعاتب و يغيرها عشان العلاقه تكمل ، انه ياخد قرار الانفصال و يبعد و مش هيكون عليه اي لوم او غلط لانه من حقه يختار العيوب في الشخص اللي معاه اللي يقدر يتعايش معاها و يستحملها
كلنا نفسنا اننا نتحب حب غير مشروط ، لكن ده نادر جدا جدا جدا يحصل ، حط في دماغك ان الشخص اللي معاك ده بيحبك و متقبلك عشان مواصفات معينة فيك و له حق عليك انك تغيرها لو اتحولت لعيوب ، لانها ببساطه بتأذيه
مش عيب والله انك تتغير عشان الشخص اللي بتحبه مش متقبل فيك عيوب ، الرغبه نفسها لو موجودة عندك هتهون عليه كتير و هيبذل مجهود و يبلع الزلط عشانك ، لكن العند هو المصيبة و هو اسوء شئ ممكن تعمله
جاري تحميل الاقتراحات...