الى الأن كل يوم أحمد ربي أني تخصصت حاسب ، لما خلصت السنه التحضيريه كان هدفي ادخل تخصص ثاني بعيد عن الحاسب ولا فكرت ادخل حاسب بس بسبب معدلي كان اول تخصص مفتوح لي هندسه حاسب ودخلته بدون وانا ما اعرف شي بالتخصص وماكان رغبتي ، والى أن تخرجت وانا اسمع هالكلام (ماله مستقبل ماله مستقبل)
طبعاً الحمد لله كنت مقفل اذاني عن الكلام لاني مقتنع انك انت تقرر قرارك مو الناس ، ورغم اني كنت مهمل دراستي فترة الجامعه وما كنت مهتم مره بالدراسه بس الحمد لله بعد وقت صحيت على نفسي وشديت على نفسي ، وكل الاشخاص اللي قالوا ماله مستقبل طلع كلامهم خطأ
وكل يوم والثاني احاول اتعلم اكثر واشد على نفسي اكثر لاني مقتنع لو بوقف وما ادرس ماراح اتطور في تخصصي ، واحاول مع الوقت اني اثبت لنفسي اني اقدر اسوي اكثر من كل شي بتخصصي وابدع اكثر لان عندي قناعه مافي شي مستحيل كل الامور متوفره ليش اتعذر اني ما اقدر
كلامي اللي بوصله لك من هالتغريدات أن اول نقطه قفل اذانك عن كلام الناس من ناحيه تخصصك ومن ناحيه مستقبل تخصصك ومن ناحيه قدرتك على النجاح او لا لان بالاخير يبقى كلام مطلعه لك شخص فاضي ويبي يحطمك ، مافي احد اكثر منك عارف قدراته وعارف نقاط قوته كثرك
اما بالنسبه لتخصصات الحاسب بالنسبة لي انا اشوف له مستقبل ومستقبل قوي وكبير بعد بس يعتمد عليك وعلى جهدك وعلى استثمارك للوقت انك تتعلم وتاخذ دورات وشهادات وتطبق عملي وتفعل الاسباب وصدقني ماهي خساره دراستك وتعلمك وبتحصل كل شي قدامك وبتاخذ رزقك كااامل
وهذي نصيحه أخ لأخوانه وخواته استثمروا الوقت وتعلموا وخذوا دورات وافهموا الدورات لا تخلي هدفك تاخذ شهادة بدون ماتفهم اهم شي تكون فاهم وطور لغتك الانجليزيه وابدع في مسارك اللي انت ماشي فيه وبتشوف كيف المستقبل بعد توفيق الله يصير حلو ويفرحك
ونصيحه لك مستقبلك اهم من كل شي استثمر وقتك في دراستك وفي تطوير نفسك في تخصصك وابدع فيه واثبت نفسك في تخصصك وتعلم لين توصل لمرحله قويه بتخصصك ، الاستثمار في الدراسه والاستثمار في تطوير نفسك مافيه خسارة ابداً تاكد من هالشي
ونهاية الكلام حط ببالك انك تستحق مستقبل عظيم يليق بك اشتغل على نفسك وصدقني الله ماراح يضيع لك تعب كل جهد سويته وكل تعب تعبته بتحصل ثماره مستقبلاً ، الله يوفقكم جميعاً ❤️
جاري تحميل الاقتراحات...