غولة القطاع الخاص
ليبيا بنظام اشتراكي ومركزي القطاع العام فيه مدلدل رجليه ومادهم على طولهم في وجوهنا بس لانه ولد حكومة ،مش مهم انهم فشلة واتكاليين ،المهم كل شيء في يديهم و لما كثرت دوة ضرورة الشراكة مع القطاع الخاص، اخترعوا تفذليكة سموها الشركة الليبية للشراكة مع القطاع الخاص🤦🏻♂️
ليبيا بنظام اشتراكي ومركزي القطاع العام فيه مدلدل رجليه ومادهم على طولهم في وجوهنا بس لانه ولد حكومة ،مش مهم انهم فشلة واتكاليين ،المهم كل شيء في يديهم و لما كثرت دوة ضرورة الشراكة مع القطاع الخاص، اخترعوا تفذليكة سموها الشركة الليبية للشراكة مع القطاع الخاص🤦🏻♂️
طبعا وهذا كله خوف من فقدان السيطرة وان اللعبة تطير من يديهم ويقعدوا معلقين او هكي ظنهم ، القطاع الخاص بالنسبة لهم غولة والشركة معاهم تركة ، الا اذا كانت بشروطهم ، شرط النسيب الكاره ، شراكة مع القطاع الخاص بنكهة القطاع العام ، النكهة اللي نعرفوها قداش ما هي ادره الكبد وتجيب القداد
علاش اندير تشريعات وتمشوا في شراكات وتتعاملوا مع القطاع الخاص بندية وهو عقاب ولد شارع ، كيف لولد الحكومة المدلل واللي يوم اطيح بيه يلقى من يسدد عليه عجزه ، شوية من القابضة وشوية ومن الشوؤن الاجتماعية وشوية من المصارف وتمشي الامور .
الكهرباء فاشلة معليش اعطوهم قداش مليار يصينوا بيهم زرايب الهم والا يتفقوا مع قطاع خاص اجنبي ، سيمنس و الا GE يلم منهم الاخضر واليابس ، المهم ردبالكم تشاركوا قطاع خاص محلي ، على خاطر هاذي مشاريع الطاقة مشاريع سيادية !
وما يحلموا القطاع الخاص الليبي برخصة تشغيل اتصالات ، معقولة تخش تنافس كتاكيت الدولة وديناصوراتها ، وشن عرفنا اللي بيجي يدخل معاه مستثمر اجنبي يلعب في حصة هواوي و زذتي و اريكسون وباقي الشلتت ، القطاع الخاص حرايمي ويما فسد في القطاع الخاص بالرشاوي يا بالك الدولة تشاركه !
معليش ؟ كان جت في مشروع قهيوة ، او مشروع ماكينة خياطة ، عادي نمولوه و ونعطوه الترخيص ! لكن يجي يستثمرلي في الالاف من مشاريع الدولة الواقفة تضرب فيها الشمس ويخنبوا فيها ولاد " الحلال " ويقعد يتشرط على والحكومة وصغيورتها ! ابدا ، في التراب ولا ياكلوها الكلاب ..
جاري تحميل الاقتراحات...