صراع مع كرونا؛
بتاريخ 04 يوليو 2021 اخذت الجرعه الأولى من نوع فايزر في مركز المعارض بدون اي فحوصات اوليه من قبل وزارة الصحه بحيث اذا كنت اعاني من اي مرض لا قدر الله وانا ما بدون علم.
بتاريخ 04 يوليو 2021 اخذت الجرعه الأولى من نوع فايزر في مركز المعارض بدون اي فحوصات اوليه من قبل وزارة الصحه بحيث اذا كنت اعاني من اي مرض لا قدر الله وانا ما بدون علم.
تاريخ 5 يوليو 2021 اصبت بحمى غير طبيعيه مع احتقان وزكام وصداع من نوع غريب جدا، توجهت في نفس اليوم لأقرب عيادة خاصه لغرض الفحص عن كرونا وتم اخذ عينه من الأنف والحنجره وبنفس اليوم قمت بعزل نفسي لين ما طلعت النتيجه باليوم الثاني وكانت ( سلبيه ) رجعت للدكتور وقالي انه هذا تغير جو فقط
انا أب لثلاث بنات وعندي زوجه وعاملة منزل وامي البالغ عمرها 70 سنه اخذت كل الأطمئنان بكلام الدكتور ورجعت اخالط الأسرة فالبيت والأعراض كل يوم تزيد فيني وكل يوم يطلع فيني شي اخر، اخذت اليوم التالي الوالدة لأخذ اللقاح في مركز المعارض ورجعت وحياتي خليتها عاديه اروح الصاله الرياضيه
توجهت لعيادة اخرى خاصه قابلت الدكتوره وشرحت لها كل شي، الدكتوره هاذي من جنسيه عربيه وشاطره فحصتني واعطتني ابرة مهدئه ولكن قالت لي انصحك تروح تفحص مره، طلعت من عندها رحت لعياده خاصه اخرى كنت اضن بأنه عندهم فحص البلمرة ولكن للأسف ما طلع عندهم وايضا الدكتور كان جدا شاطر وسألني ايش
فيك شرحت له القصه من الألف الى الياء سألني تحب اعطيك نصيحه قلت له تفضل قالي قبل لا تعمل فحص البلمرة ايش رأيك تعمل فحص دم يمكن عندك ألتهاب فالدم قلت له كلامك عين العقل وتوكلنا على الله
النتيجه طلعت ما عندي ألتهاب ولابد من عمل فحص البلمرة، طلعت من عنده على طول على عيادة خاصه ثانيه وعملت الفحص وثاني يوم طلعت النتيجه بأني ( مصاب )..! طيب واللي خالطتهم ايش وضعهم..!
استلمت النتيجه وطبعا انا حجرت نفسي خارج المنزل ثاني يوم يجيني خبر من البيت بنتك الصغيرة اللي عمرها ٤ سنوات مسخنه وفيها احتقان، اليوم اللي بعده يجيني خبر بنتك الثانيه مسخنه وعاملة المنزل كذلك، اليوم ام البنات تخبرني انها مصدعه ومزكمه.
الغريب من كل هذا بعد اخذ الفحص من شخص واتضح انه مصاب عن نفسي وبكل أمانه ما شفت ابدا اهتمام من العياده يعني عطوني النتيجه وخلاص..! طيب انا شخص مصاب مافي نصيحه تقدموها لي مافي دكتور اقابله يعطيني ادويه عن البلاء اللي فيني، طبعا بعد ما انا طلبت اشوف الدكتور اول ادفع بعدين شوف دكتور
حديثي هذا ليس للتحريض عن اللقاح بل عن كيفية التعامل مع الناس وكيفية الحصول على الجرعه وماهي الألية المفترض اتباعها، السؤال قبل اخذ الجرعه هل انت تعاني او فيك اعراض من نوع ما هاذي غير كافيه البعض قد تكون فيه اعراض وهو غير حاس بها مثل ما حصل معي.
والشي الأخر، انا عن نفسي استنتجت انه بعض العيادات الخاصه ما هما غير انك تدفع، طيب بندفع بس نريد شي بالمقابل بضمير، ما اقول غير الله يعين اللي يبتلي بهذا المرض والحاله الماديه صعبه لأنه فعلا بيحس بالمعاناة
وبالأخير، انا اكملت اليوم ٧ ايام ولازالت الحمى موجوده فيني والأحتقان ولكن عاهدت نفسي انه بعالج نفسي بنفسي ولازلت اصارع هذا الفيروس الخبيث.
الله يشفي كل من ابتلى ويعافي كل اخوانا واخواتنا المسلمين.
@rattibha رتبها
جاري تحميل الاقتراحات...