مهما بلغت من سمو النفس وطهارة الذات راح يبقى في داخلك نزعة "حسد أو غبطة" تجاه أي شخص تفوق أو تميز أو برز بشغله تتمناها لك…ودايم شيطانك يزين لك هذي النزعة وعدوانيتك تجاه ذلك الشخص انها من باب الغيرة على الدين أو حماية الأسرة أو المجتمع…فتعتقد إنك مهما أسأت للشخص فأنت على حق
=

لا يضيق صدرك كلنا كذا…لذلك شرع الإسلام انك تتعوذ من الحسد وانك اذا شفت شي يعجبك تذكر الله وان الأرزاق مكتوبة…الإسلام معترف بنزعتك البشرية لكنه يحاول يهذبها علشان ما تظلم غيرك…الكلام يطول لكن الي أبي أقوله من ناحية سياسية…حنا في مرحلة تاريخية على مستوى العالم…وتويتر ميدان

فيه تحديات "خطيرة" بكل ماتحمله هذي الكلمة من معنى…فأي جهد بتبذله ضد أحد أبناء وطنك في "قضية تحتمل الخلاف"…صدقني مهو وقته…اليوم محتاجين كل صوت سعودي مقابل هذي التحديات الخارجية…حتى لو هالصوت ماتدانيه ولا تحب تشوفه وبينك وبينه خلافات…كان الرسول صلى الله عليه وسلم يقارب قومه

ويجمع شملهم ويقوي أزرهم ويصلح بينهم رغم منطقية خلافهم وقوة حججهم…لكنه كان يشوف خطر أعظم وطموح أكبر من الدخول في هذي المهاترات وبذل الأعمار في إثباتها…اعتبروها فضفضة مافيه أحد معني فيها بعينه…لكن ودي إنها توصل للمؤثرين والمشاهير…الي مركزين على قضايا ماتسوى ويزين لهم الشيطان

بذل وقتهم وأعمارهم عليها…محزن جداً مشهور كل وقته يحاول يثبت إن المشهور الثاني فاسد وتوصل أحياناً للطعن في العرض والأمانة والنسب…والسبب خلاف على فريق كورة أو وجهات نظر سخيفة
الظاهر ان هذي من علامات الكبر… مدري وش فيني صرت أتحلطم وأعطي عشرين نصيحة في سالفة وحدة
#تجاهل_هذا_الثريد