#شوية_تصميم_انشائى
#الترخيم_Deflection
هحاول باختصار فى هذا الثريد نشرح ايه هو الترخيم فى العناصر الانشائية واسبابه وكيفية التغلب عليه اثناء التصميم اذا زادت قيمته عن القيم المسموح بها وهل عدم امانه معناه انهيار السقف ام لا؟..يتبع👇
#الترخيم_Deflection
هحاول باختصار فى هذا الثريد نشرح ايه هو الترخيم فى العناصر الانشائية واسبابه وكيفية التغلب عليه اثناء التصميم اذا زادت قيمته عن القيم المسموح بها وهل عدم امانه معناه انهيار السقف ام لا؟..يتبع👇
١-معناه هو حدوث تشكل او تشوه او ازاحة رأسية فمستوى العنصر الانشائى الخرسانى تجاه الشد وينتج عنه شروخ مع زيادة الاحمال والزمن مما يؤثر بشكل عكسى على خدمة المنشأ وركز فخدمة عشان هنحتاجها…يتبع👇
٢-بيحصل الترخيم على مرحلتين واحد لحظى اول ما تفك الشدة الخشبية وده بيكون قيمته غير مقلقة وواحد على المدى الطويل مع الزمن وتحميل العنصر بجميع احمال بعد التشطيب وده هو المهم..يتبع👇
٣-جميع اكواد العالم اوصت بقيم قصوى لهذا الترخيم لا تستطيع الحياد عنها حتى لا تحدث تلك التشوهات فوحضرتك بتصمم لازم تاخد بالك من النقطة دى..طب لو فرضنا ان القيمة النهائية على المدى الطويل كانت اكبر من المسموح هنعمل ايه..يتبع👇
٤-اولا تزود سماكة او عمق العنصر الانشائى وده اسلم حل او ممكن تزود قيمة حديد الضغط لأنه بيتحكم فقيمة ال الرو اللى بتجيب منها معامل بيتحكم فقيمة الترخيم على المدى الطويل وبزيادة الرو بتقلل المعامل بتقلل الترخيم..وممكن تحله ايضا بزيادة مقاومة الخرسانة او ممكن تستخدم الكامبر..يتبع👇
٥-كامبر يعنى تحدب وده بنعمله اثناء التنفيذ عن طريق نجارة الشدة الخشبية نفسها بنحدبها لأعلى بقيم بين البحر على ١٠٠ للكابولى او ٣٠٠ للبحر الداخلى بحيث ان لما يحصل ترخيم بعد الفك يبقى فحدود المسموح..يتبع👇
٦-نفترض اننا محسبناش وحصل الترخيم هل معناه انهيار السقف لا طبعا وعشان كده الاكواد خرجت حسابات الترخيم من حالة التصميم القصوى وخلته فقسم اسم الخدمية او التشغيلية للمنشأ فيما معناه ان ترخيم السقف هيعمل تشوه بصرى ويخلى المالك مش مرتاح وقد يؤدى الى حدوث تشرخات فعناصر التشطيب.يتبع👇
٧-والشكل بيبقى مزعج ومقلق لصاحب المنشأ.طب ده معناه ان اى سقف هيحصله ترخيم نكبر دماغنا لا طبعا لان ممكن يكون السقف اصلا مش محسوب سماكته فى حالة التصميم القصوى كتسليح وقطاع بشكل صحيح..الخلاصة ان الترخيم مش معناه انهيار ولو حصل انهيار هيبقى بسبب شىء اخر منعا لحدوث التباس عند البعض🌹
جاري تحميل الاقتراحات...