علاقتي برئيس الجمهورية . مش دفاع عمال على بطال . ومش هدفها مكايدة في ناس تانية بالعند . هو رئيس جمهورية في مرحلة زمنية صعبة . له درجة زعامة حصل عليها بعد ثورة يونيو 2013م والدرجة دي إتحطت في سياق رئاسة الجمهورية . وعمومًا الشعب بيتعامل معاه بشكل معتدل . لاتمجيد مبالغ ولاتقليل منه
وبالتالي أنا مقبلش أبدًا يتقال ألقاب زي لجنة أو مطبلاتي أو اللفظ اللي إنتوا عارفينه .. قيمتي أعلى لمراحل .. وعارف إنها كلها ألقاب للتقليل .. وبالتالي لما بلاقي فيه حد بيوافق على كده من باب المكايدة ويقول لك أنا لجنة ومطبلاتي .. لأ إنت مش مضطر تعمل كده .. قيمتك أعلى من كده
إنت بتدافع عن رئيس جمهورية بلدك .. وطالما هو رجل محترم وشريف وناجح .. يبقى دفاعك عنه أمر يشرف .. الناس بعد اللي حصل في 67 تمسكوا بجمال عبد الناصر .. مش عبط منهم ، لأ شافوا إنه في إيده إنه يصلح الوضع لأنه جربوه وشافوه منه اللي يشفع له في فرصة تانية وقت الأزمة .
وقت الأزمة .. الناس لازم تلتف حوالين الناس الموثوق فيها . لأن ده الخيار الوحيد . الناس لو إتفرقت مش هتعمل حاجة . خدوا فلسطين عبرة ، إتفرقوا فعانوا . وييجي حد يقول لك قضية مصر منتهية وأثيوبيا فرضت أمر واقع ، في حين لو كلمته على فلسطين هيقول لك نحررها .. يعني حتى الأمل بقى بالرغبة
جاري تحميل الاقتراحات...