🇬🇧 الآيلتس للماهِل في مُراوغة البريتيش كاونسيل .. آ ثريد '
سألوني الناس عنك يا حبيبي ف قلت اكتب ثريد عسى و لعل يفيد أي زول عايز يمتحن لي قدام و ما عارف يبدا كيف .. نبدا من الأول كدا بحاول انظّم و اختصر عشان لا تمِلوا لا تعجَزوا عنّو .. عارف الشي دا سمعتو سيئة و ليه رَهبة '
أول خطوة قيّم مستواك و الدرجة العايز تجيبها عشان تعرف الزمن البكفيك تجهز للإمتحان، و اذا محتاج تخش كورس و لا لأ، هو الامتحان سهل مُمتنع، لكن أكبر عيوبو انو غالي شديد، كأنو استعمار حديث يعني اتخيل معاي كمية القروش البدفعها العالم للبريتش كاونسيل كل يوم خليك في الموضوع يا صادِق
تاني خَطوة احجز للإمتحان أو على الأقل حدد متين عايز تمتحن .. دي النقطة الفارقة بين النية و بين انو الموضوع يبقى حَقيقي، اكتب دافعك و الباند العايز تجيبها في أول دفتر تمارينك، انا واحد من الناس الأمور دي ما كنت بحسها بتجيب فايدة لكن صدقوني أي وقت تستثمروه للآيلتس بفرق بشكل واضح '
الخطوة الثالثة أعرِف الامتحان كويس، في نوعين general و academic، معظم الناس بكونو عايزين الacademic, اعرف كل سؤال بجيك بكون مطلوب منك فيه شنو و مفروض تحلو في كم دقيقة .. الخطوة دي مهمة ما ينفع تخش الآيلتس و انت ما عارف اكزاكتلي حيسألوك من شنو بالتفصيل في كل module بدون تقرا سؤال'
بشكل عام الreading و الlistening كل واحد فيهم فيه ٤٠ سؤال مقسمين على 3 أقسام '
الwriting فيه مهمتين task 1 & 2
و الspeaking فيه 3 اقسام و عادة بتمتحنو في يوم براه .. دي playlist مهمة جداً أول فيديو فيها شرح مفصّل لكل المحتاج تعرفو عن الآيلتس ..
youtube.com
الwriting فيه مهمتين task 1 & 2
و الspeaking فيه 3 اقسام و عادة بتمتحنو في يوم براه .. دي playlist مهمة جداً أول فيديو فيها شرح مفصّل لكل المحتاج تعرفو عن الآيلتس ..
youtube.com
لازم تعرف كيف تتعامل مع الأسئلة، كيف كل سؤال بيتحل بدون ما تضيع وقت فيه، و هل المناسب معاك امتحان الكمبيوتر computer based و لا على الورق paper based .. كل واحد فيهم عندو طريقة بيتحل بيها، دا فيديو بشرح باختصار الفرق بيناتهم '
youtu.be
youtu.be
الخطوة الجاية هي انك تقرر ح تقرا من وين، في كورسات كتيرة للآيلتس منتشرة في السودان بتفيد، لكن ممكن تقرا براك اذا مستواك في الانجليزي لا بأس به .. انا عن نفسي ما اخذت كورس كل شيء كان من اليوتيوب في قنوات كتيرة مِلح مفيدة بس عشان ما تتشتت حدد المناسب معاك من البداية '
برضو شوف انت محتاج تطوِر و تقضي زمن أكبر في شنو ؟ عشان كدا مرحلة التخطيط في البداية دي مهمّة
اعرف أنواع الأسئلة لكل قسم و كيف بيتحلوا .. مقالات الريدنق منوعة و ممتعة لدرجة مفروض الواحد يفضل يقراها طوالي، مستحيل تتوقع يجيبو ليك شنو مرة جاتني مقالة عن كمية المفردات بمعنى أسد في اللغة العربية و دلالاتها و مرة عن الزبادي ما تطلع من الموضوع يا أنا
youtu.be
youtu.be
اما بالنسبة للlistening حاجات كتيرة بتفيد منها انك تسمع podcasts مثلاً .. في برنامج زابط اسمو tune in، فيه قناة اسمها outlook تابعة للbbc، فيها بودكاستس عن قصص حقيقية حصلت لي ناس من كل انحاء العالم، ممكن برضو تحضر افلام بي ترجمة انجليزية بدل العربية '
لو قررت تقرا براك الreading و الlistening بيتجازفو ليك عادي و ممكن تتمرن عليهم و تشوف طرق الحل و الأجوبة و الواحد بيتحسن فيهم بالتمارين، في فيديوهات كتيرة لامتحان الlistening في اليوتيوب مع اجوبتها و ملايين المقالات للreading في النت برضو .. ازبط زمنك و حل كتير '
الwriting و الspeaking ما زي رفيقاتهم، هم محتاجين زمن عشان يتحسنوا بشكل واضح لانهم مهارات تلقائية .. ف الواحد بكون مهدّف على انو يجيب فيهم درجات عالية بقدر الامكان .. في طرق كتيرة تجازفهم بيها، مشكلتهم انو لو ح تقرا براك ديل الاتنين حيغلبوك شوية في التصحيح '
الwriting محتاج زول يقيمو ليك و يديك feedback .. بالنسبة لي الشي دا كان تشغيلة و جبت اقل درجة فيه ف ركزو عليه لانو هو البخرب درجات الناس عادة، عموماً في مواقع بتقيم ليك كتاباتك لكن بي قروش و فيزا و تشغيلة، اظن الأسهل انك تشوف مدرسين انجليزي من الكورسات القلناها قبيل يصححو ليك '
زي ما قلت اعرف كيف بيتحلّوا task 1
و task 2 .. في اليوتيوب في فيديوهات كتيرة شديد بتوريك كيف تحلهم كلها مفيدة .. دا زول في قناتو بشرحهم بطريقة زابطة خطوة بخطوة '
youtu.be
و task 2 .. في اليوتيوب في فيديوهات كتيرة شديد بتوريك كيف تحلهم كلها مفيدة .. دا زول في قناتو بشرحهم بطريقة زابطة خطوة بخطوة '
youtu.be
الspeaking ممكن برضو يتجازف ليك براك تسجل صوتك و تسمعو تشوف انت وقفت و اترددت كم مرّة و كدا، الموضوع تحسو عوير في الأول لكن مفيد بجد، في أسئلة كتيرة جاهزة بتلقاها في النت اتمرن على انك تتكلم عنها، دا فيديو فيه كيف تحسن الspeaking حقك براك في البيت '
youtu.be
youtu.be
دا فيديو فيه كيف تحسن الspeaking حقك رهيب برضو و القناة حقت عمكم كيث دي كلها زابطة بس هو معاط شوية كلامو كتير، بتكلم في جزء من الفيديو دا عن آب تلفون اسمو woodpecker بيخليك تقدر تعيد و تتدرب مع فيديوهات اليوتيوب و الTED talks زابط نزلوه '
youtu.be
youtu.be
برضو في فيديوهات كتيرة في اليوتيوب لامتحانات speaking حقيقية و تقييمات باختلاف الband، احضرو منها كتير بتعودكم على الموضوع و اظن احسن نصيحة فيما يخص الspeaking انك تعتبر الامتحان ونسة مع خواجة لاقاك حايم في السوق العربي '
youtu.be
youtu.be
في آبس كتيرة زابطة اكتِب IELTS في قوقل بلاي او الآب ستور و نزل كل شيء قدامك.. بس اهماها برنامج تابع للبريتيش كاونسيل نفسو اسمو IELTS prep .. بتلقو فيه كم امتحان مجاني كامل و بحسب ليك الزمن كمان و تقدر تسجل صوتك و تسمعو للspeaking و حاجات كتيرة تانية '
بالنسبة للvocabulary أحسن طريقة انك ما تتعلم كلمات بس لكن تتعلم مجموعة جُمل كاملة جديدة و أدوات للرَبط و تحاول تستخدمها .. احسن كتير انك تتعلم الجُملة كاملة في الspeaking و الwriting '
في فيديوهات كمية بس قناة البت آسيا دي حلوة شديد و مفيدة شوفوها '
youtu.be
في فيديوهات كمية بس قناة البت آسيا دي حلوة شديد و مفيدة شوفوها '
youtu.be
امتحان الآيلتس دا عبارة عن طريقة حل اكتر من انو رهابة في الانجليزي ف شنو ما تشيل همو بتجازف .. و عليك باليوتيوب حرفياً فيه كل شيء '
حبيبنا آدم دا ما قصر معاي نهائي :
youtube.com
خالتو ليز دي عندها موقع برضو رهيب غير قناة اليوتيوب دي :
youtube.com
حبيبنا آدم دا ما قصر معاي نهائي :
youtube.com
خالتو ليز دي عندها موقع برضو رهيب غير قناة اليوتيوب دي :
youtube.com
و دي اليكس البتشبه بليك لايفلي :
youtu.be
youtu.be
شكراً لأي زول رسل لي بسأل من الامتحان و معليش اذا اتاخر الرَد انتو السبب الخلاني اكتب الثريد، أنا ع فكرة ما IG و لا حاجة قريت للامتحان في شهر أو أقل من شهر بشوية، ما كنت عارف اي شيء عنو و ما كانت قرايتي منتظمة لكن الأمور مشت، و ح تمشي معاكم انتو برضو بس ف keep going و عقبالكم ^^
جاري تحميل الاقتراحات...