خلني أقولك كلام من قلبي لك واتمنى تركز فيه زين ، انا عارف الشعور اللي يجيك وأنت جالس تبني حلمك وتعمل على تحقيقه والساعات اللي تستثمرها وأنت تدرس وتذاكر عارف انه يجيك شعور ملل وبعض الاحيان شعور احباط وبعض الاحيان شعور وش الفايده ادرس ، والله أنك جالس تسوي شيء عظيم جداً

وتسوي شيء بيخليك مستقبلاً ما تندم على كل حرف ذاكرته ودرسته ، اذا عن شعور الملل طبيعي هالشعور حاول تحسس نفسك انك جالس تسوي هوايه لك مو درس تدرسه ، بخصوص الاحباط لا تحبط نفسك ليش تحبط نفسك وانت جالس تبني مستقبلك وكله وقت وراح تحصل على ثمار هالدراسه اللي تدرسها

حط ببالك أنك شخص عظيم تدري ليش عشانك ما قلت انا ما اقدر وعشانك ما قلت لاحقين على الدراسه وعشانك جالس تتعب وتعتمد على نفسك وتبي مستقبلاً تكون شيء كبير بتخصصك ، الا ادرس واتعب على نفسك وحط هدفك القمر مو النجوم بكرا توصل لشيء اللي تبي وتذوق لذه النجاح والانجاز وتحقيق الحلم

حط لك هدف واجلس كافح واتعب عشانه المستقبل يبي ناس مثلك طموحه كله وقت وبعدها بتشوف انك وصلت وتشكر الله ثم تشكر كل دقيقه تعبت فيها على نفسك وعلى دراستك ، بقولك ( تذوق لذه التعب بالدراسه افضل من تذوق طعم الندم انك ما استغليت الوقت وسويت شيء لمستقبلك ) ، استمر حلمك يستحق كل هذا😍🥺❤️