بقول لكم سالفة، آنا عندي ضعف سمع وراثي ومن صغري ما أسمع، وعانيت وايد بالمدرسة وبالحياة، لين كبرت وقررت أسويلي سماعات سنة 2006، المهم مرة بطلت البيبسي وصبيته بالقلاص، سمعت صوت تشششش، عبالي ناسي الماي بحمامي مبطل، دخلت الحمام والا الماي مسكر، رديت الغرفة والا أسمع صوت البيبسي يتشتش

اكتشفت ان البيبسي يطلع صوت الغازات وآنا عمري 28، واكتشفت ان كيبورد الكمبيوتر يطلع صوت لما تطقطق فيه، وهم تعرفت على صوت دقمة الليت لما تفتحه، وتعرفت على وايد أصوات ما كنت أدري انها موجودة بهالدنيا، قاموسي السمعي تعرف عليها على كبر، فنصيحتي للي ما يسمع، إلبس سماعة لأن طايفك وايد 😄

والله يلعن الكورونا اللي لبستنا كمامات، جزء من الوسائل اللي تساعدني عالسمع هي النظر للشفايف وهي تتكلم، وكمام اللي جدامي قاعد يبهدلي، انشالله تذلف هالكورونا وأفتك من هالبهدلة #نعم_للتطعيم 💉