عن الدكتور مصطفي محمود
فيه راجل بيبيع جرايد جمب حديقه الحيوان كنت اعدي عليه كل يوم بعد توصيل زوجتي للعمل اقف معاه شويه و اشتري منه الاهرام علشان اتعلم اسلوب الكتابه لكن علمني حاجه اهك من ذلك علمني هذا الرجل درس مهم جدا للعمر
كنت لما اساله ازيك النهارده،يقولي في نعمه الستر
👇

فاندهشت من الاجابه وسالته ليه الستر تحديدا
قالي لاني مستور من كله
قولت ستر ايه ي حج دا انت البلوفر بتاعك فيه رقعتين متخلفين اللون
فلما احس،بغبائي بادر بالشرح
قال الستر انواع
لما تكون مريض،بس قادر تمشي علي رجلك دا ستر من مذله المرض
👇

لما جيبك يكون فيه جنيه يكفيك تنام متعشي حتي لو عيش حاف دا ستر من مذله الجوع
لما تكون بتلبس ملابس تحميك من البرد حتي لو مرقعه دا ستر من مذله البرد
لما تكون قادر تضحك وانت حزين لاي سبب دا ستر من مذله الكسره
👇

لما تكون قادر تقرا جريده في ايدك دا ستر من مذله الجهل
لما تقدر تتصل باهلك في اي وقت تطمنهم عليك وتطمن عليهم دا ستر من مذله الوحده
لما تكون عندك وظيفه حتي لو بياع جرايد زي حالاتي بس مش بتمد ايدك لحد دا ستر من مذله السؤال
لما يكون ابنائك ربنا مبارك في صحتهم دا ستر من مذله القهر
👇

لما يكون عندك زوجه بنت حلال وشايله الهم معاك دا ستر من مذله كسره الرجل امام زوجته
الستر ي ابني مش ستر فلوس الستر ستر نفوس
تذكر انك تملك نعم يتمناها ملايين البشر انها نعمه الستر
جعلنا الله واياكم من المستورين بستره
اللهم ادم علينا سترك دنيا واخره 🙏