اذا أهملت دراستك قبل واليوم حسيت بندم وودك ترجع بس خايف أن الفرصه راحت عليك ، لا الفرص موجوده واللي صار بالماضي هو غلطه ومرحله أهمال تخليها درس لك مستقبلاً أنك ما تهمل دراستك ، تقدر تبدأ من اليوم وتطور نفسك أكثر وتجتهد وتتعلم وابداً مو عيب اذا عمرك كبير وتستفسر من شخص أصغر منك

العلم ما يبي شخص يتردد بالسؤال والبحث عن المعلومه والفايده ، لا تتردد تبدأ وتتعلم ولا تتردد تستفسر وتبحث عن معلومه وتستفيد من معلومات غيرك ، العلم مشاركة بين الجميع ، واذا جاك شخص قالك كيف عمرك كذا وماتعرف هالشيء تجاهله ولا يحبطك هالكلام ، الله سبحانه كتب لك تتعلم اليوم مو قبل

كل شخص بداخله مهارات وقوه لازم يستفيد منها ويطلعها ، ابحث عن الشيء اللي بداخلك وابدأ من الأن لا يوقفك وقت ولا يوقفك عمر ، الدراسه مالها وقت تنتهي فيه الوقت اللي تنتهي فيه الدراسه هو يوم ترحل عن الدنيا بعد عمر طويل لكم جميعاً❤️

المستقبل يبي مبدعين لا تقتل طموحك وهمتك بسبب عمر او بسبب خطأ بالماضي ما خلاك تدرس وتجتهد ، انت بيوم جديد وفرصه جديده تقدر تفعل الاسباب وتصنع منها المستحيل وانجازات تفتخر فيها ونفتخر فيها كلنا أنت بيوم جديد وفرصه جديده من الله ( ابدأ من الأن لا تقتل الفرصه بالتردد والخوف من الفشل)