الاتنين اللى بيقروا تويتاتى هنا ابقوا فكرونى احكيكلوا شويه عن جماعات اللوبى الطبى و الرأسماليه الطبيه و اى كلمتين يبينوا اننا مثقفين كده و احكيلكوا شويه بلاوى
عايزك تتخيل انك دكتور طوارىء و حاله قلبها وقف و اشتغلت عليها ربع ساعه عشان ترجع تعيش ولا تمريض 24 ساعه ف العزل ب full ppe ولا كلينيكال بتحاول تنقذ كلى ولا كبد ولا قلب مريض من الادويه و الجرعات و الهبد ف الادويه و بروتوكول كورونا و بتبقض مثلا ٢٠٠ جنيه ف اليوم ال٢٤ ساعه ...
و ف نفس الوقت تلاقى دكتور زميلك ف عياده او صيدليه او حتى شغله اونلاين تجيله شركه ادويه تقوله هعمل معاك deal تكتب و تعمل promote للمنتج بتاعنا و ليك نسبه من المبيعات و هنسفرك جوه و بره مصر ع اسم مؤتمر و هى اصلا مصيف ليك و للعيله .. و ياخد مرتبك ف شهرين او تلاته ف شغل يومين ..
ف انت لو عندك مسئوليات هتسيب الشغل المجهد اللى بيعلمك و يديك خبره و هتسيب الماجيستير و الدكتوراه و تتجه للتجاره بالعيانين.
"الماده تحكم يا صديق و كلنا علينا اقساط"
ف ايه يعنى لم اكتب دوا لعيان مش هيحتاجوا و ملهوش evidence based بس ف المقابل هعرف اشترى عربيه جديده ؟؟!
"الماده تحكم يا صديق و كلنا علينا اقساط"
ف ايه يعنى لم اكتب دوا لعيان مش هيحتاجوا و ملهوش evidence based بس ف المقابل هعرف اشترى عربيه جديده ؟؟!
ايه يعنى لم اشتغل ف الحكومه و برايفت و انام ف شفت الحكومه و مهتمش بالمرضى و لا اراقبهم اصلا و يموتوا عادى و حالتهم تدهور عشان بس انام و اعرف اروح شغل البرايفت عشان اجمع فلوس.
اكيد مش محتاج احكى عن مدى شطارة اى حد ف المجال الطبى ف مصر و عن مدى سوء و جهل و غباء المنظومه الطبيه و التعليم و المعلومات اللى بتتقدم و بندرسها
احكيلكوا بقى عن الشركات و اللوبى الطبى .. يتبع
الكام سنه اللى فاتوا دول ف كميه ادويه خدت موافقات من وزاره الصحه و النقابه و موجود ليها مثايل كتير جدا و شركات مصريه و مستورده و ف نفس الوقت اصناف تانيه ملهاش بديل و بتنقص كل فتره .. ف كلام وصلى من حد جوه النقابه ان فى شخص اتقبض عليه بسبب انه كان بياخد رشاوى من الشركات .. يتبع
كان بياخد رشاوى من الشركات عشان يوافق ع تصريح و دخول الادويه السوق .. و لم حد قاله انت دخلت ٦٠ صنف جداد ف خلال سنتين قاله انت مش عارف انا ابقى مين و بعدها اتسجن .
طبعا الله اعلم ع صحه المعلومه دى بس هى حقيقى ده بيحصل فعلا . هقولك امثله موجوده حاليا .. يتبع
طبعا الله اعلم ع صحه المعلومه دى بس هى حقيقى ده بيحصل فعلا . هقولك امثله موجوده حاليا .. يتبع
ف بدايه حوار كورونا لقيت واحد صحبى بيكلمنى بيقولى عندى فيتامين سى و زنك. و معايا الترخيص بتاعهم و المصنع بس عايزك انتى تكلم حبايبك ف الشركات و المخازن و الدكاتره و تظبطوا و ليهم نسبه من المبيعات او خد انت التوكيل بتاعه ..
بعدها بقى فهمت ان الادويه دى و ٩٠٪ من الادويه الفيتامينات الجديده ف السوق هى مش واخده ترخيص وزاره صحه دى واخده معهد تغذيه حاجه كده يعنى نصب و احتيال و كله بالفلوس
الزتونه فين بقى ان ف شركات كتير و كبيره و من اكبر ٢٠ شركه ف مصر مبيعات السنتين دول عندها ادويه و بتعلم ليها دعايا بكل الطرق المشروعه و الغير مشروعه و هى اصلا مش واخده موافقه من الوزاره.
دكاتره سواء بشرى او صيدله ف عيادتهم او صيدليات او حتى اللى سغالين فرى لانس دول اونلاين ، الشركات اشترت ذمتهم و ضميرهم دول محدش ينفع يديهم الامان ع نفسه بجد.
ف واحد منهم اسمه دكتور مينا طالع بكل ثقه يعمل اعلان مدفوع عن مضاد حيوى .. اللى هو ال who لو عترت فيك هتفشخك ..
ف واحد منهم اسمه دكتور مينا طالع بكل ثقه يعمل اعلان مدفوع عن مضاد حيوى .. اللى هو ال who لو عترت فيك هتفشخك ..
ولا ال CDC لو سمع انك بتعمل اعلان كده ع النت لمضاد حيوى هيولع فيك بجد و هيبعتلك ريكورد ٥ ثوانى و يقولك حط السماعه
شركه العامريه الجميله اللى بحب منتجاتها بصراحه يعنى، و بغضالنظر عن انها جايبه اتنين رجاله ف اعلان لفياجرا ( LGBT اوى ) ، بتعمل اعلان و طبعا ال STP بتاعها هم الطبقه الشعبيه و اللى مش هيفهم امتى او ازاى او الامراض الممنوع انه ياخدها معاها و الاعراض الجانبيه، بس طبعا اهم حاجه الفلوس
نرجع بقى ل اللوبى الطبى ، الشركات المصنعه للفيتامينات و ما يقال عليه برتوكول كورونا بتدفع فلوس عشان الدوا بتاعه يتكتب و يتحط ف البروتوكول المصرى و اللى مع احترامى للى كاتبينه هبد و واخدين فلوس و مش فاهمين حاجه، و يطلع دكتور ف فيديو و يقول .... يتبع
اوميجا ٣ للحمايه من كورونا ، فيتامين دال لجلب الحبيب و رد المطلقه .. فيتامين سى للنجاح ف الكليه، طيب حد فيكوا بيحسب ال RDI طيب ال side effect انهم بيغيروا الpH للعيان ؟! طيب ان جرعه اوميجا عاليه اوى مع ادويه السيوله ؟! لا مش مهم المهم الشركه تدينا فلوس.
بعد ما الشركات حققت التريند و عملت ال trend Jack نقلت المبيعات و التوجه دلوقتى للمستهلك نفسوا و خلت العلبه عليها علبه هديه .. واللى هو مخالف لاى قوانين دوائيه يعنى بالعقل كده ان الدوا يتعامل معامله السلعات الترفيهيه و التجميليه بس طبعا مش مهم المهم اننا نبيع و نكسب.
بعد ما حكيتلكوا قصه الفيل هحكبلكوا قصه الدارفيل
التريند الجديد ف مصر هو اخصائى التغذيه و طبعا اماكن كتير بتعمل اعلان انها بتدى شهادات معتمده انك اخصائى تغذيه و ده طبعا هبد و نصب و ناس اكتر شغاله دلوقتى سواء اونلاين او عيادات غير مرخصه ب مسمى اخصائى تغذيه، المهم بقى انك هتروح لواحد منهم تقوله عايز اخس .... يتبع
هيقولك خد الادويه دى(هيبيعها ليك بمخالفه للقانون ف العياده) و هى ادويه مهربه و ملهاش اى مصدر موثوق او موافقه من وزاره الصحه و الادويه دى عباره عن ماده ممنوعه دولياً اصلا و اتمنعت لانها بتسبب مشاكل ف القلب.. بس طبعا عزيزى المغفل هيبيعها ليك و يتنصب عليك لانك مبتسمعش النصيحه.
للعلم انا قعدت فتره فعلا شغال ع الادويه دى بس كنت بدور وراها لغايه لم اتاكدت انها غلط و ممنوعه مبقوش بستخدمها او بنصح بيها و برفض و كان ليا شغل patient counseling تبع صيدليات معينه و كان ف بونص لو رشحت اى حاجه من الحاجات دى و كتت برفض انى ارشحهم
هيروح واحد تانى يقوله انا عايز اتخن ف يديله التركيبه المصريه العجيبه عباره عن كورتيزون و ماده مضاده للحساسيه و اى شكاير مكمل غذائى ، ده طبعا مش هيزود الوزن لا ده هينفخه زى البلونه و يخليه يتملى مايه بس البنت هتتبسط ان وشها بقى مليان و لم تنصح حد فيهم يقولك بس ده زود وزنى 🤷🤷🤔
كفايه كده عشان الاتنين اللى متابعين معايا هيزهقوا منى .. ابقى احكيلكوا حاجات تانيه بعدين
جاري تحميل الاقتراحات...