رتبها

تخيل ف يوم أهلك يصحوك من النوم..يلاقوك بتتكلم ألماني وأنت ولا عمرك درسته ف حياتك!!
تابع الثريد👇

السلام عليكم ورحمة الله وبركاته..أهلًا بيكم
والثريد التاني من"ثريدولوجي"
وقبل ما نبدأ حابب أعرفك إن كل اللي فات واللي جاي هتلاقيه في المثبتة
متنساش تتابعنا وتقولنا رأيك وأفكارك ونقدك..يلا نبدأ♥️

متلازمة اللكنة أو اللهجة الأجنبية أو ما يعرف ب Foreign Accent Syndrome واختصارًا هنسميها FAS
هي حالة طبية بتؤدي لإن الشخص يتكلم بلهجة أو لكنة مختلفة عن لهجة مكانه..ومن غير اكتساب أي معرفة بيها من موطنه الأصلي
وبرغم إنها نادرة لكنها بتحصل فعلًا..وفيه ١٠٠ حالة اتشخصت بيه من ١٩٠٧م..

لما تم تشخيص أول حالة على إيد عالم الأعصاب الفرنسي بيير ماري..ومن أشهر الحالات حالة لسيدة نرويجية عانت من إصابة دماغية نتيجة شظايا قنبلة من غارة جوية خلال الحرب العالمية التانية ف ١٩٤١م..لما فاقت ولقت نفسها بتتكلم بلهجة ألمانية قوية وده كان سبب لبعد الناس عنها ساعتها..

طيب هو إيه أسباب المتلازمة دي؟
FAS
مرتبطة بالحالات اللي بتسبب دمار لمنطقة بروكا Broca's area ف النصف الأيسر من الدماغ والمسئولة عن عملية التخاطب..
زي إيه:
-جلطات الدماغ.
-تمدد الأوعية الدموية ف الدماغ.
-التصلب المتعدد.
ونتيجة لكده بتظهرلنا أعراض المتلازمة دي..زي إيه؟!

اللهجة بتنتج من نظام من أنماط الصوت في اللغة الأم بتتعلمها لوحدك وأنت بتكبر..والنظام ده اسمه نظام الصوتيات Phonetic System
واللهجة على مدار نموك بتتغير لإنك بتتعرض للهجات كتير لكن بمجرد وصولك للمراهقة والبلوغ فنظام الصوتيات بيثبت كده..

وده اللي خلى الأعراض محيرة لإنها بتؤثر على كل الأنماط ف النظام الصوتي وده بيظهر ف شكل زي:
-إن عندهم صعوبة مع الأصوات اللي بتحتاج نلمس لساننا زي الدال والتاء أو D&T
-لهجة الأصوات بتتغير.
-ممكن يزود أو يشيل أو يبدل أصوات فيقول Suh-trike بدل strike
أو يستخدم r بدل i!!

وبيبقى ظاهر أكن لغتك الأصلية أنت متعلمها كلغة تانية..
طيب وبيتم تشخيصها إزاي؟!
عن طريق الأعراض والتاريخ الطبي وكمان فحص للعضلات اللي بتستخدمها لما بتتكلم..
وكمان بيطلب تصوير للدماغ بالرنين المغناطيسي MRI والأشعة المقطعية CT

ولندرة المتلازمة دي ففريق التشخيص بيتكون من أخصائي تخاطب وأخصائي أعصاب وأخصائي نفسي.
وهنا نوصل لرحلة العلاج..واللي بتعتمد على علاج السبب..لكن لو مفيش سبب واضح فبنلجأ ل:
-علاج التخاطب..عن طريق التمرين ع اللهجة الأصلية
-الاستشارة ومجموعات الدعم..واللي بتساعدك تواجه المشاكل الناتجة

زي كلام الناس إنك متصنع للهجة.
-وممكن علاج سلوكي..للأفكار السلبية والمشاعر والعادات الهدامة.
وأما للأسباب الطبية زي:
-إصابات الدماغ..أدوية مضادة للتشنجات
-التصلب المتعدد..أدوية تخفف من حدة المرض.
للأسف لو سيبتها من غير علاج جايز يحصل مضاعفات ومشاكل..فلو لهجتك اتغيرت روح للدكتور

ختامًا دعواتنا بالشفاء والعافية لكل المرضى♥️.

الفيديوهات:
-

المراجع:
-healthline.com
-winchesterhospital.org

www.healthline.com

www.winchesterhospital.org

تم بحمد الله♥️.

إيه تقييمك للثريد؟

إيه اللغة اللي حابين تعرفوا تتكلموا بيها؟
شاركونا في الكوت تويت😍

@rattibha