كيف انتصرنا على التوحد ❤❤
ثريد هحاول اقول فيهو المفيد
و اي سؤال ممكن تسألو في الدي ام ..
ثريد هحاول اقول فيهو المفيد
و اي سؤال ممكن تسألو في الدي ام ..
اولا لاحظت لبنتي الأولى (رنيم ) من بعد السنة و نص انو ماف تطور في مهاراتها الاجتماعية و ماف كلام كلو ورجغة و ماف تعبير عن الاحتياجات و نومها كان قليل جدا
خالتي اول من يلاحظ انها متأخرة لانو انا ما كنت بعرف حاجة عن التوحد ف عرضناها على كم دكتور هنا بس ما طلعو لي بي حاجة مفيدة ، ف قررت اسافر
ناس كتار كانو شايفين انو نحن بنتوهم و انو هي صغيرة بس ما اشتغلت بي كلام زول و سافرت و عرضتها على دكتور و شخصها توحد بدرجة متوسطة
بدينا العلاج ادانا أدوية و كانت بتمشي دوام بيشتغلوا ليها فيه تنمية مهارات و تخاطب و تعديل سلوك و حاجات تانية
رجعت السودان دخلتها مركز التدخل المبكر في كافوري و في منه فرع في بري للعايز عنهم تفاصيل راسلوني
المهم استمرت في المركز دا و جاب نتايج جميلة جدا و رجعت سافرت تاني ، عملنا فحص للحساسية و تم منع رنيم من القمح و اللبن و مشتقات و البيض و المكسرات لمدة سنتين ( الحمية دي عملت فرق كبير جدا في تعافي رنيم )
في نفس الفترة دي (مريم) اتشخصت بي توحد بس من نوع ( اسبيرغر سيندروم) دا نوع بكون اجتماعيا كويس بس بكون في صعوبات تعلم و تشتت و فرط حركة و اعراض تانية
بدينا العلاج ليهم الاتنين سوا و رجعنا تاني نزلناهم المركز و كملو فيهو
بعدها تاني سافرنا لي الدكتور اللي اسمه هاني الحناوي و دا كان نقطة التحول الحقيقية و اكبر تقدم حصل للبنات عن طريقه
دكتور هاني بيستخدم تقنية اسمها النيوروفيدباك ، بيعالج بيها المشاكل الأساسية في المخ و مع التأهيل بيساعد على الشفاء و عنده حالات بقت كويسة جدا جدا
المهم مشينا ليه ٣ مرات و دي المرة التالتة اسي ، حقيقي علاجه عمل فرق كبير جدا و هو كمان كلامه مطمن و كان قدر كلمته الحمد لله انو هم هيتعافو
اسم المركز حقه ( مركز هاني الحناوي ) في القاهرة مدينة نصر
بالنسبة للحمية عملناها سنتين كان و عملت فحص تاني ليها في الأردن و كانت الحمد لله الحساسيات راحت ، عملنا فحص للمعادن السامة في الأردن و اخدت ليها علاج و برضو ساعدت على انو نلقى نتيجة كويسة
الاعظم من كل الخطوات و الكلام دا ( الدعاء) ، ربنا بوفقني من حيث لا ادري و بيساعدني عشان اوصل للانا فيه حاليا ، و الحمد لله ما يئست ولا تعبت كل ما تجيني فرصة بستغلها
كنت بقرا سورة يس بنية الشفاء و جابت معاي نتيجة كل ما استمر فيها فترة بتوفق بي سفر و بتجيني قروش للعلاج ❤
الحمد لله أولا و اخيرا
ادعوا لي اكمل العلاج و يبقو احسن ناس ❤❤
ادعوا لي اكمل العلاج و يبقو احسن ناس ❤❤
جاري تحميل الاقتراحات...