في فئة مش زغيرة عندها مدخول دولار بطريقة أو بأخرى وصارت بالظروف الحالية بالupper middle class, هيدي غير طبقة الكرتونة يلي بتاكل وبتشرب وبتهتف للزعيم.
المهم الفئة هيدي مبسوطة بطلوع الدولار وراخيتها وقاعدة بتقول الشعب والشعب وانشالله يصير الدولار ١٠٠ الف
المهم الفئة هيدي مبسوطة بطلوع الدولار وراخيتها وقاعدة بتقول الشعب والشعب وانشالله يصير الدولار ١٠٠ الف
فكرهن انو تداعيات الإنهيار يلي عم نعيشه ما حتطالن وبالعكس كل ما طلع الدولار كل ما بيستفيدوا... هو صحيح بالأمد القصير حيستفيدوا وتطلع قدرتهن الشرائية بس لما نوصل للthreshold ونتخطى عتبة معينة بالإنهيار، الدولار يلي حامله بصير بينحط بهونيك محل
الدولار ما بيعود الو لزمة لما المجتمع كلو بيتبدد، لما بينفقد الأمن وبتزيد السرقات والتشليح والفوضى الدولار مش حيحميك، لما بتنقطع الكهربا نهائيا، الدولار بيشتريلك مازوت من المحطة بس ما بيستوردلك الفيول من برا هيدا شغل دولة، لما الإنترنت بيتعطل نهائيا وبتتعطل معو كتير خدمات
ما بيعود الدولار من الخارج يوصل ولا الشب او الصبية يلي برا بيعودوا يقدروا يتواصلوا مع اهلن بشكل دايم متل هلق، وهيدا كلو مش مبالغة وامكانية حدوثه كتير عالية..هيدي فكرة مش معقول توصل الأمور لهيك لازم نطلع منها،يلي عم نعيشه هلق كنا من سنتين نقول مستحيل يصير وصار.
لما التعليم بصير للأغنياء فقط الدولار ممكن يساعدك تتعلم بس مع الوقت مستوى التعليم يلي شايفين حالنا فيه بيصير بالأرض والدولار ساعتها ما بيعود الو نفع، لما الأطباء للمتخرجين جديد والقدامى يفلوا لبرا وينزل مستوى الإستشفاء والطبابة، الدولار مش حيحكمك لما تمرض.
حتى أبسط الإشيا متل الأكل واللبس، وبلشنا نلمسها بجودة الأكل المتراجعة بالمطاعم والتوفير يلي عم بوفره الزبون عم بحطه عصحته بعدين ومحلات التياب يلي هي للطبقى الوسطى كتير منها سكر ونحنا مش متل مصر او سوريا لحتى بالحد الأدنى نلبس يلي منصنعه وناكل يلي منزرعه لأن بلدنا انتاجه صفر
فلكل حدا من هيدي الفئة ومعو شوية مدخرات او مدخوا $ ، enjoy it while it lasts لأن يلي جايي صعب كتير وفي اجيال كاملة حينمسح فيها الأرض
١٢ آذار ٢٠٢١
١٢ آذار ٢٠٢١
جاري تحميل الاقتراحات...