رتبها

ثريد :
هل سامي (غير) باقي الاسامي ؟
موسم 1989: سجل 2 ب11 مباراة
موسم 1990 : سجل 16 ب20مباراة (هداف الدوري)
ملاحظة : هذا الموسم اللي صار فيه ( الفلم الهندي) وكان يحتاج الهلال الفوز بفارق كبير عشان فرق الأهداف مع الاهلي ولازم سامي اقل شيء يسجل 4 اهداف عشان يصير الهداف

وبيلعب ماجد والاهلي بعدهم بيوم ، فوش صار ؟ الأهلي تعادل مع الرياض 1-1 ومرت سليمة ولا صار جدل الا على اهداف سامي ال6 ، ومع ضغوطات على الاتحاد السعودي بعد الفضيحة جاء بعدها علطول المربع الذهبي 1991

موسم 1991 : سجل 14 هدف ب21 مباراة
موسم 1992 : سجل 6 ب13 مباراة
موسم 1993 : سجل 19 ب21 مباراة ( هداف الدوري وافضل موسم بتاريخه)
موسم 1994 : ما شارك عشان معسكر المنتخب لكالس العالم وبنمر على تجربته الدولية
موسم 1995 : (بداية الانكشاف) سجل 2 ب12 مباراة
موسم 1996 : سجل 4 ب19 مباراة

موسم 1997 : سجل 2 ب13 مباراة
موسم 1998 : سجل 2 ب15 مباراة ، تعتقد هال2 وشي ؟ بالنهائي ضد الشباب وينسبون الفوز بالبطولة له هههههههههه
موسم 1999 : سجل 7 ب19 مباراة
موسم 2000 : سجل 6 ب19 مباراة
موسم 2001 : سجل 1 ب13 مباراة
موسم 2002 : سجل 3 ب 17 مباراة
موسم 2003 : سجل 2 ب 15 مباراة

موسم 2004 : سجل 3 ب13 مباراة
موسم 2005 : سجل 11 ب16 مباراة
موسم 2006 : سجل 0 ب6 مباريات
موسم 2007 : سجل 1 (بلنتي) ب5 مباريات
المجموع 101 ب 268 مباراة بمعدل 0.37 هدف للمباراة !!!!!!
احنا قاعدين نتكلم عن لاعب يسمونه افضل لاعب بتاريخ السعودية !!!!!

ممكن بعض الأشخاص يقول طيب يا فايترو انت معاييرك ما كانت ارقام بس ابدا ، الجواب ببساطة :
1- احنا نتكلم عن لاعب اغلب فترات عمره يلعب 9
2- ارقامه سيئة جدا لدرجة انها مخزية حتى للاعب يلعب خارج المنطقة (فرضًا) طول عمره

3- سامي ما عمره كان بمهارة يوسف وياسر ولا تحكم وصناعة الهريفي عشان والله تكون اقوى مميزاته
عشان تتصور سوء الرقم ، قوميز مسجل 72 بالدوري ب3 مواسم بمعدل 0.81 هدف للمباراة شايفين الفرق !!!!!
بيقول شخص قوميز جاء بذروته ما فيه مشكلة ادواردو لاعب ما عمره لعب 9 معدله 0.55 هدف للمباراة

ما اكتفيت ؟ ياسر اللي اخر 6 سنوات يسفلون فيه مسجل 112 ب209 بمعدل 0.53
- نأتي لمشواره مع المنتخب ونستفتح بهالمعلومة :
ارقام سامي مع المنتخب ههههههههه فؤاد أنور يلعب مركز 6 مسجل زيه بكل تاريخه بكاس الخليج بنسخة وحدة 4 اهداف ، شدك رقمه بتصفيات كاس العالم ؟ بنخش بتفاصيله

فاصل : هل وجدتم بحياتكم ((اسطورة)) يتم تبديله دايم ؟ طيب شرايكم ان قلت سامي الجابر اكثر من تم تبديله بتاريخ المنتخب السعودي 😂😂😂😂😂

والله تعبت وانا اكتب لكن عشان تعرف كيف كان الرجل يتم مجاملته شف سنوات كاس العالم وكم مسجل فيها بالدوري خصوصا 98 و2002 واعظم سنة 2006 هههههههههه
يالله خذ لك زيادة ، ولا عمره خذا هداف لتصفيات كاس عالم حتى لاعبين الوسط ياخذونها عليه تفضل عزيزي القارئ

تتوقع ال8 اهداف الكثيرة ضد مين ؟
1 ضد بنقلاديش
هاتريك ضد فيتنام (1 بلنتي)
1 ضد منغوليا
وبالتصفيات النهائية بس 3 :
2 ضد تايلاند (واحد بلنتي)
1 ضد البحرين (النتيجة 3-0 وسجل الرابع د88)

وطبعا بيتساءل شخص كيف كان يشارك ؟ هنا يكشف لك الدعيع كيف شارك سامي ب2006 وخلوه يلعب ال3 مباريات كلها ، وما ننسى انه ب2002 شارك بمباراة المانيا بس ، يعني رقم المشاركات بالدفدفة لين طفش
youtu.be

معلومة على السريع :
هذي ارقام عبيد الدوسري وطلال المشعل وقارنوها بسامي في الرسميات وكم لعب هو وكم لعبو هم
عبيد ٢٢ هدف رسمي
طلال المشعل ٢٣ هدف رسمي
وكلهم بدون ولا بلنتي وكلنا ندري من اللي خذا ادبال صيتهم

كل هذا غيض من فيض والله وقبل النهاية بنعرج لسامي خارج الملعب وكيف كان يلعب على جمهور الهلال وطبعًا مثل ما كان ذكي باستغلال النهائيات كان ذكي بالضحك عليهم
الرجل علنًا بهالمقطع يعتقد ان اخر عقد له ما استلم حقوقه رغم انه لعب سنة واعتزل قبل يلعب السنتين الباقية بالعقد 😂😂😂

هنا مقطعه
youtu.be
ورد محمد بن فيصل يبدا من ١١:٣٠
youtu.be

في النهاية :
ما ذكرت اهم مميزات سامي مثل ظهوره بالنهائيات لان هذي الكل عارفها واشهر دعاية عنه ، ولو كرة القدم على الظهور بالنهائيات صار بيل افضل من نيمار واغلب اجنحة هالعصر واكيد أي واحد يقول هالراي يدور مزرعة جحوش ويتعايش معهم
الحسم شيء ممتاز ويحق لاي هلالي يعشقه عشانه بس .....

هل سامي نجم ؟ نعم نجم في الهلال ، بس ما يجي من افضل 5 حتى مرو على الهلال
هل سامي اسطورة ؟ هههههههههههههههههه لا عادي و (مثل باقي الاسامي)
النهاية .

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد