قرائتك لتويتات عن الوعي و عن الطاقه و عن النفس و ازاي انك تحافظ على تردداتك عاليه و و
كل دي ادوات مساعده
لكن افتكر في الاخر انك انسان
و الانسان بيغلط .. و ده من كمال بشريته
لذلك اسمح لنفسك تعيش مشاعرك بحلوها ومرها
هتيجي عليك اوقات ملكش نفس تخرج ولا تغير جو .. عادي جدآ

الدنيا عمرها ما مشيت معانا بايقاع ثابت
كلنا عرفنا بفعل التجارب في الحياه .. ان مفيش حال بيدوم
وفهمنا من الفلك ان في عجلة ارزاق (المشترى) و عجلة كارما (زحل) بتدور علينا كلنا و بتلف على جزء جزء من حياتنا
لذلك ربنا قال ان مع العسر يسرا
الاصعب من النفسيه السيئه
هو تمثيل السعاده

متمثلش انك سعيد طول الوقت
لانك كده مش بتهرب من مشاعرك المنخفضه
انت بتأجل مواجهتها مش اكتر !
مش هتعرف تهرب منها .. هتتخزن في عقلك الباطن .. و هتخرب عليك حاجات كتير في حياتك في هيئة عادات سلبيه و تصرفات لاواعيه منك
لذلك متأجلش مواجهة المشاعر دي و لا تقاومها .. عيشها .. هتمشي

كمان ياريت نتعلم ثقافة التعبير بصدق ووضوح عن مشاعرنا
متقولش تمام اوك .. و انت مش موافق من جواك
متتكسفش تقول لأ
متتكسفش تعلن مشاعرك بوضوح و بأدب ولباقه تجاه اي شخص او اي موضوع
صدقك في مشاعرك .. هو صدق مع نفسك
وصدقك مع نفسك يعني صدقك مع الحياه
وصدقك مع الحياه يعني فرص انسب