لو بتحاسب نفسك دايما وضميرك بيأنبك وتزعل لما تعمل حاجة غلط أو تقصر مع حد أو تزعله أو ترتكب ذنب او تنافق حد وتفضل تلوم نفسك وتحاول تصلح فانت إنسان طيب قلبك حي وفيك خير كبير وصاحب نفس لوامة
بس الأهم انك تستمر في التصحيح حتي لو فشلت اكتر من مره. انت كده قلبك حي ومتصالح مع نفسك.
👇👇

اما الناس اللى قلبها مات بتبقى متصالحة مع الخطأ والظلم والنفاق والضرر للغير. يرتكب جرائم طول اليوم في الناس ويرجع ينام زي الجيفة مش فارق معاه ولا في دماغه
👇👇

وفي لحظه ماربنا انعم عليه بلحظه تصالح مع نفسه وقال كلمتين. في لحظه تجلي مع نفسه كان ممكن يبني عليها ويغير من حياته ويبقي إنسان سوي مبيخفش من حد بس بيقول مايمليه عليه ضميره وتيقن انه الحقيقة.
لقي نفسه في حاره سد
👇👇

وقدامه جمهور عمل عليه حفله بس لمجرد انه تصالح مع نفسه في جمله من 13كلمه محدش قاله قول كذا كذا.
ومحدش فكر ولو لحظه انه يناقشه ويسأله
ياتري قولت كده ليه ودليلك إيه وبنيت كلامك علي اي أساس. حتي لو كان هو صح واجب عليك تسمع وتناقش مش تشتم ويااما تبقي زينا ياهنجبرك تبقي زينا
👇👇

اتكاتروا عليه وشهروا بيه وشتموه وبافعالهم اجبروه انه يعتذر لهم.
يعني في لحظه واحده مر بالمرحلتين مع بعض
الاولي تصالح معه نفسه وحاسب نفسه
التانيه تصالح مع نفسه بردو بس في الغلط والنفاق والظلم..
يعني خسران من كل حته
الي وصل للمرحلة دي يحاول يحيي قلبه
لانه للاسف ضااايع..