اذا كنت طالب أو خريج ومو فاهم تخصصك وحاب تطور نفسك فيه التغريدات اللي تحت موجهه لك 👇🏻✅
قبل أبدا لو عندك شخص تحس محتاج هالكلام شارك معه التغريده ربما تكون محفزه له أن يبدأ ويشد حيله ويطور من نفسه في مجاله
كلامي موجه لك أنك تبدأ من اليوم وتنسى أخطأ الماضي من اهمال للدراسه مثلاً أو التأجيل ، الكلام اللي بقوله لك مر علي شخصياً فترة دراسه الجامعه ماكنت أبداً شاد حيلي وقربت أخلص جامعه وأنا مو فاهم شيء بسبب هالشيء ممكن يضيق صدرك وتحس خلاص مافي فايدة وضيعت سنوات من عمرك على الفاضي
خلني أقولك أن الأخطأ كل شخص يخطي ويهمل نفسه بعض الأحيان ويهمل دراسته يعني هذا شيء بالماضي وخلاص الأن أنت في يوم جديد وبداية جديده وفرصه جديده وهديه من الله لك ، لا تناظر لعمرك وتقول راح علي العمر ، لا تقول راحت علي الفرصه ، لا تقول ماراح ينفع دراسه ، ركز معي بالتغريدات 👇🏻
بفترض أنك شخص تخرجت مستواك صفر ومو فاهم شيء أبد ، أحتاج منك باليوم ساعتين فقط بالبدايه وتلتزم بالساعتين مو لازم تربطهم بوقت محدد خلهم بوقت أنت تكون رايق فيه + حدد مسارك اللي بتمشي عليه مثلاً أنت تخصصك شبكات هدف تكون مهندس شبكات فاهم ساعتين فقط باليوم على مدى شهور بتصير مبدع😍
الساعتين قسمهم ساعه لتعلم اللغة الأنجليزيه والساعه الثانيه خلها لدراسه الكورسات اللي بمجالك أنت كذا راح تمشي على نظام يومي بالبدايه مابين لغة ومابين دراسه تخصصك من الصفر مثلاً
مع الوقت راح تتحمس لما تشوف مستوى لغتك تطور ومستواك في تخصصك تطور أيضاً وراح تزيد في ساعات اليوم اللي تدرس فيها كذا أنت جالس تدرس برغبه منك وبحماس الشيء الثالث سجل بالدورات اللي بمجال تخصصك وحاول ما تأخذ الشهاده الا أنت فاهمها
كذا أنت بعد فترة بتكون شخص لغتك الأنجليزيه مررره كويسه + مستواك في تخصصك تطور بشكل قوي + معاك دورات في مجال تفيدك أنت كشخص بالمعلومات + تقوي الـ CV حقك
ملاحظة 📝: أدري راح تحس بملل أول الوقت وهذا شيء طبيعي كله فتره بسيطه وتتعود وتحب الشغله + لا تستعجل على النتائج خلك صبور شوي + الأستمراريه مهمه لا توقف مهما صار هذا أستثمار في نفسك ومافيه خسارة أبداً أبداً
وقت الدراسه لازم تكتب بورقه وقلم عشان تثبت المعلومه براسك + طبق عملي اذا احتاج بالدرس تطبيق عملي التطبيق العملي مهم ، عامل الانجليزي كأنه روتين يومي عشان تقوي لغتك أكثر بعد ، الدورات كثيره سجل بالدورات وافهم محتوى الدوره بتساعدك كثير في تطورك بتخصصك
معليش طولت بالكلام لكن لو تفكر فيها ساعتين باليوم مثلاً دراسه بعد ٦ شهور كيف راح يكون مستواك قلبها بعقلك شوي وراح تحصل أنك أنت المستفيد ، اذا احتجت مواقع دورات مجانيه كورسات مجانية او عن اللغة الأنجليزيه تحصله بالمفضله ( الأعجابات ) بحسابي وأي سؤال ارسلي بالخاص ✅❤️
وأسف طولت بالكلام بس اتمنى أنك الكلام حفزك أنك تبدأ وصدقني مافي شي مستحيل والفرصه للحين قدامك والمستقبل يبشر بخير كل الأمر والأمكانيات بيدك باقي عليك تشد على نفسك يوم جديد وصفحه جديده بالحياة وننسى الماضي ونبدأ من اليوم ، الله يوفقكم يارب❤️❤️
جاري تحميل الاقتراحات...