طيب نتكلم بحق ربنا بقي علشان انا شايفه خزعبلات منتشرة علي التايم لاين وكل واحد شايف جنسه هو الضحيه هو الحقيقه حبايبي ان مفيش ضحايا خالص وان كل طرف فيه الحلو وفيه المنيل بنيله وبما اني حد شاف ناس كتير حواليه وحكايات كتير اوي لناس اعرفها شخصيا فاقدر اقولكم التالي
زي مافي راجل مهزأ مش بينفذ حاجات بتتطلب منه غير بعد العلاقه الزوجيه فيه ست برضه بتمنع نفسها عن جوزها لو مانفذش طلباتها الماديه وإياكم تقولوا انه مابيحصلش لانه بيحصل
وفيه ستات مش بتطلب اللي هي عايزاه غير وقت العلاقه لان طلباتها بتبقي مبالغ فيها وهي عارفه كده وفيه ستات ماسكه رجالتها من النقطه دي ومسيطرة بيها وبتجيبه وبتوديه زي ماهي عايزة من هنا
الرجاله بقي في رجاله مهزاه يعني فاهم انه اشتري جاريه عايز الموضوع ده في اي وقت من غير مراعاة لأنها تعبانه مالهاش مزاج اي نيله علي دماغه ولو رفضت ممكن يمد ايده عليها وينام معاها بالعافيه وده منتشر جدا في كل الطبقات للاسف
بعيدا بقي عن السكس والهباب في ست تتخانق مع جوزها محدش،يعرف والا يحس بيهم في ست تانية تتخانق مع جوزها أمة لا اله الا الله تعرف بيهم
في راجل محترم عمره مايطلع أسرار بيته برة البيت في راجل مهزا أدق أسرار بيته بما فيها تفاصيل العلاقة الزوجيه بينه وبين مراته تلاقيها متقاله علي نص قهاوي مصر
في ست بتشتغل وبتساعد في مصروف البيت والاتنين بيكملوا بعض
في واحده تانيه عايزة تشتغل والبيت مايشوفش مليم منها أصلها بتشتغل لإثبات الذات
في واحده تانيه عايزة تشتغل والبيت مايشوفش مليم منها أصلها بتشتغل لإثبات الذات
في راجل عمره مايقول لمراته مرتبك كام وصرفت او ماصرفتش في البيت أو ساعدت أهلها مايتكلمش
وفي واحد تاني يقف علي ايد مراته يوم القبض ياخد منها مرتبها ويديها مصروف والا كأنها مش شقيانه بالمرتب ده بمنتهي البجاحه والصفاقه
وفي واحد تاني يقف علي ايد مراته يوم القبض ياخد منها مرتبها ويديها مصروف والا كأنها مش شقيانه بالمرتب ده بمنتهي البجاحه والصفاقه
في واحد بيساعد في البيت وبيقعد مع الولاد ولو لاقاها تعبانه يجيب اكل من برة وهو راجع
وفي نطع سايبها في دوامه طول النهار وهو قاعد علي القهوة ولايعرف حاجه عن ولاده وبيته
وفي نطع سايبها في دوامه طول النهار وهو قاعد علي القهوة ولايعرف حاجه عن ولاده وبيته
في ست مضلله علي بيتها وعايشه علي اد الدخل بتاعهم ومحدش يعرف عنهم حاجه
وفي واحده تانيه دايرة تشتكي لطوب الارض انه مجوعها ومش بيصرف عليها رغم انها عارفه ان دي إمكانياته وانه شقيان ليل ونهار علشان يكفي بيته
وفي واحده تانيه دايرة تشتكي لطوب الارض انه مجوعها ومش بيصرف عليها رغم انها عارفه ان دي إمكانياته وانه شقيان ليل ونهار علشان يكفي بيته
ممكن اقعد اكتبلكم للصبح حاجات من دي وكل اللي انا كاتباه ده دول ناس انا شفتهم بعينيا مش حد حكالي عنهم الخلاصه ان مفيش ملايكه علي الارض في بني ادمين خطائين او بيصيبوا سواء راجل او ست
الأهم بقي ان الجواز هو اسمي واقدس علاقه علي وجه الأرض وهو اساس استمرار الحياة فبلاش تحولوا الود والحب والتفاهم لمفهوم واحد بس وهو الجنس لان زي ماهو مهم بس مش هو الأساس الوحيد لنجاح الجواز
لان لو في حب وتفاهم وموده مش حيبقي في مشكله في السرير ابدا (وجعلنا لكم من أنفسكم ازواجا لتسكنوا اليهم) السكن هو الموده والحب والاحترام واللي هما اساس كل جواز ناجح واللي عدم وجودهم هو أهم أسباب الفشل
البلوكات حرام والشتيمه بتلف تلف وترجع لصاحبها علي فكرة 😌😂
جاري تحميل الاقتراحات...