(ثريد) من شوية لقيت واحد كاتب "عندنا الوطء مقابل الإنفاق، ماينفعش ييجي ويقولها ماليش مزاج أصرف عليكي الأسبوع ده" .. وتعالوا نبدأ من هنا. بالبلدي هو شايف الزواج في الإسلام = تجيب واحدة وتكتب عليها عقد قدام الناس عشان تصرف عليها ومحدش غيرك يطأها، وطبعًا وقت ما تحب لأنك دافع...(١)
وشوف الكلام ده بيطلع من مين؟ بيطلع من ناس بتقول علينا إننا منبطحين للغرب وللفكر الغربي، ولما حصروا هم الزواج في الإطار المادي ده، فده مش انبطاح ولا جهل بأبسط مباديء الشريعة. من الواضح كدة إنكوا كنتوا بتفوتوا حصص الدين وبتنزلوا تلعبوا كورة في الحوش، فا في حاجات كتير فايتاكم ..(٢)
ربنا لما قال "ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة" شوفت اختيار الكلمات، شايف الرقة؟ تخيلت العلاقة بين الزوجين؟ القرطبي في تفسيره قال إن المودة المراد بها الجماع. شايف الفرق بين وصف الجماع بالمودة، وبين وصفك ليه بوطء مقابل الانفاق؟؟!...(٣)
والحسن قال في قوله (مودة ورحمة): "عطف قلوبهم بعضهم على بعض" والسدي: المودة المحبة والرحمة الشفقة. وابن عباس قال : "المودة حب الرجل امرأته ، والرحمة رحمته إياها أن يصيبها بسوء" ..(٤)
ولو رجعنا لاول الآية وتسأل نفسك كدة وانت بتكتب الكلمتين دول عن الزواح، يعني ايه "ومن آياته" وايه الآية والاعجاز في الزواج هاتلاقي الجيلاني مثلا قال في تفسيره 👇
في فرق، وفرق واضح جدًا، بين نظرة الشريعة للزواج (اللي حطتها في مكانة آية من آيات الله زي آية الخلق كدة)، ووضعها في إطار من المحبة والرحمة والشفقة والمودة، وبين اللي داخل خناقة سيطرة وعايز يعمل اللي هو عايزه بفلوسه وكأنه شاري sex toy، ومالهاش إنها تفتح بقه لأنها بتاعته..(٥)
فلأ يا معلم، مش احنا اللي محتاجين نروح نتعلم، انتوا اللي محتاجين تتأدبوا مع ربنا شوية، وتقتنعوا إنكوا عايشين بشوية أفكار شاذة عن الدين، ولما تفوقوا من الصدمة، هاتبطلوا صياح وهاتعقلوا وتروحوا تتعلموا من الاول. الجهل مش عيب، العيب هو العند والمكابرة.
جاري تحميل الاقتراحات...