النجاح مصطلح معقد شوية و في الغالب بنختصره في الفلوس. وأحد أسباب دا هو أن معظم العقبات او المنغصات اللي في حياتنا سببها قلة او عدم توفر الفلوس.
في المقابل فيه مقولة مشهورة وهي:
" النجاح مش فلوس بس"
ودا صح ولكن العبارة محتاجة تفصيل.

نقدر نبسط الموضوع ونقول إن:
النجاح = (استقلال مادي أو وجود فلوس كافية) + (علاقات صحية و داعمة من الأسرة والأصدقاء) + (عمل او شغل له معنى وقيمة بالنسبة لك) + (ترفيه و استمتاع) + (......) تقدر تضيف اللي انت شايفه مناسب لك في النقط.

الشئ الغريب أن كل مكونات النجاح معتمدة بشكل أساسي على أول مكون وهو "الاستقلال المادي". فشبه مستحيل تحقيق هذا النجاح لو لم يتوفر الاستقلال المادي.
اسعى ان يكون عندك استقلال مادي و انك تكون مالك و متحكم في وقتك و هنا هتكون حققت اكتر من تلاتة ارباع معادلة النجاح.