(ثريد)
المال ينمو على الاشجار!
ولا تصدق اللي يقول لك غير هالكلام!
انت لازم تمشي بهذا المنطق, لانك و بكل بساطة ما بتقدر تقايض وقتك بالمال طول عمرك
لازم تبتدي تزرع لك شجرة فلوس عشان تعطيك اموال حتى لو ما كنت موجود!
كيف؟
كمل الثريد!

عمرك فكرت قد ايش صعوبة انبات الاشجار؟
تبتدي ببذرة, وعشان تكون هالبذرة شجرة مثمرة لازم تزرعها في ارض خصبة!
الشجرة ما بتنمو من نفسها, لازم تعتني فيها, تسقيها,تعطيها فيتامينات ومعادن..
كل هذا وانت تدري انك بكرة بترجع و بتسوي نفس الشي لمدة لا تقل عن ٦ أشهر او حتى ممكن تستمر لسنوات!

بعد هذا المجهود منك و الصبر و المواصلة في عناية هالبذرة, بتتحول الى شجرة, و على حسب نوعها, ممكن تستمر ٥-١٠ او حتى ١٥ سنة واهي تعطيك من ثمارها بأقل جهد منك!
نفس المنطق يتطبق مع الأصول,, سواء مشروع تجاري, منصة تعليمية, عقار

ما يهمني حتى لو كنت تستلم ٥٠٠ ريال في الساعة في عملك الحالي, لو لا قدر الله ومرضت,, طيحتك بتكون سهلة! و خسارتك فلوسك بتكون شبه مؤكدة!
البذرة اهي فلوسك!
و الأرض الخصبة اهي انت!

لازم تتعلم, تاخذ دورات, تحتك في ناس افهم منك و تتعب في سبيل انك تطور من نفسك عشان يصير لفلوسك (بذرتك) فايدة.
بعدها اهتم بنفسك و بأموالك,, و اتعب عليها و تعلم حب القراءة عشان تتطور انت, و يتطور تفكيرك, و تصير ادارتك للأموال افضل
و مثل ما نقول دائما #عيشها_صح و #عيش_ملك 😎💰