السلام عليكم ، تحت هذي التغريدة راح اتكلم عن تجربتي بعد التخرج من الثانوي وكيف دخلت طب والعقبات اللي واجهتها للوصول لكلية الطب...
اذا منت فاضي الحين فضلها وارجع لها بعدين.
اذا منت فاضي الحين فضلها وارجع لها بعدين.
- في البداية تخرجت من الثانوي عام ٢٠١٧ بدون اي هدف ولا وجهة معينه رُفضت من الكليات العسكرية والشركات الكبرى مثل سابك وأرامكو بسبب درجاتي المتدنية في القدرات والتحصيلي ولا عجب في ذلك شعوري وقتها تبلد والصدق ما كان يهمني كثير لاني بدون شغف وقتها ولا فعلت الاسباب.
- بعد شهر تقريبًا جاني قبول في جامعة الإمام كلية الاقتصاد وكانت هي الفرصه الوحيده اللي حصلت عليها بعد التخرج مباشرة وكانت هي نقطة التحول ، بعد اول ميد في الجامعة عرفت ان الوضع اختلف ولازم اذاكر عشان انجح، بديت اذاكر كان صعب في البداية بس مشت الامور الحمدلله..
-خلصت تحضيري وتخصصت بس ما كان عندي شغف في التخصص وبحكم اني خلصت تحضيري عرفت اغلب تخصصات الجامعة وبديت اقراء عنها اكثر ولقيت نفسي في الطب حاولت اتهرب بس كل يوم يزيد عندي الشغف في الطب بحثت عن نسب قبول الطب وهنا كانت الصدمه.
-شلون ادخل طب وهذي درجاتي !!! اكثر سؤال يدور في راسي ذيك الفتره ، عرفت انه يمديني اعيد قدرات وتحصيلي واقدم على الجامعة من جديد بس وقتها ماكنت اقدر اخاطر وافصل من الجامعة ف كنت اذاكر تحصيلي وقدرات وانا في الجامعة
-الوقت كان ضيق وانا ماعرفت اذاكر النتجية كانت صادمه لدرجة قررت انسى الطب واكمل في تخصصي.
-بديت ثاني سنه في الجامعة حضرت دورات في التخصص حاولت احبه بس للاسف نهاية السنه رجع الشغف في الطب حجزت تحصيلي وكان قدامي شهر وعندي فاينل الكلية ماقدر اعتذر عن ترم وقدامي فرصه احقق حلمي حيره والضغط النفسي اكثر من البدني.
-ذاكرت تحصيلي وفي نفس الوقت فاينلز الكلية
مرت الايام واختبرت وطلعت النتيجه الحمدلله كانت مرضيه بالنسبة لي وعلى الضغط اللي كنت اواجهه.
مرت الايام واختبرت وطلعت النتيجه الحمدلله كانت مرضيه بالنسبة لي وعلى الضغط اللي كنت اواجهه.
-فصلت من الإمام وقدمت على جامعة الامير سطام بن عبدالعزيز في الخرج مسار صحي الوضع كان مختلف لغتي الانجليزية دمار ضيقه من كل مكان خلصت السنة ولا تخصصت طب كنت قريب مره بس الحمدلله على كل حال.
-فصلت من جامعة الامير سطام واختبرت قدرات وطورت لغتي في الصيف وقدمت على جامعة شقراء السنة الماضية والحمدلله الذي بنعمته تتم الصالحات تخصصت في التخصص اللي لقيت نفسي فيه.
-كثير منكم بيقول تكلم عن كيف ذاكرت ومن هالكلام نصيحتي لكم كل واحد يكتشف طريقته في المذاكرة ويصنع تجربته الخاصه اللي ينفع معي مب شرط ينفع معك ابحث واتعب واصنع طريقتك.
-اخيرًا اي شخص ما جاب الدرجة اللي يبي او ما انقبل في شيء هو يبيه عنده فرصه في كل يوم جديد حاول وحاول وحاول وبتوصل للي تبي ان شاء الله ، الله يوفقنا جميع ويحقق مانتمنى يارب
شكرًا لكم واسف على الإطالة ❤️
شكرًا لكم واسف على الإطالة ❤️
جاري تحميل الاقتراحات...