عارفين العشوائيات بتظهر بسبب ارتفاع في الطلب ضخم وعرض منظم قليل أو غير ملائم مع ضعف منظومة الحوكمة لحد ما تيجي الدولة اللي تقتحم الملف وتقرر أن ده مايحصلش تاني وتتكلف مبالغ ضخمة للقضاء على الظاهرة. هل السيناريو ده موجود في النظم؟ هل هناك عشوائيات رقمية؟ هذا هو عنوان ثريد الاسبوع!
سنة 1977 ظهر التعبير الشهير في أوساط المبرمجين Spaghetti code وده بسبب أن المبرمج كان بيكتب الأوامر بشكل غير منظم ومرتب وأنما بشكل صعب أي حد بعده يقراه ولو في مشكلة قراءة الملفات تاخد ساعات عشان توصل للمشكلة. التعبير حتى الآن بيستخدم للسخرية من اساليب البرمجة السيئة.
مع تطور النظم أصبح هناك المبرمج Programmer والـ Developer المطور و مهندس البرمجة Software Engineer أو الـ Architect اللي بيخطط وبيرسم البناء الداخلي للنظم والبرامج عشان يضمن تصميم مثالي قابل للتطوير وفي نفس الوقت يقدر يحافظ على "هوية" النظام واهدافه وعلاقته بالنظم الأخرى
في تعبير شهير أسمه Technical Debt وهو الرصيد المتراكم من التعديلات أو الأخطاء التقنية المحتملة في تصميم نظام رقمي بسبب عدم الاهتمام بالتصميم السليم والمنهجية السليمة في تصميم الحلول. نفس فكرة "التلصقة" بالبلدي.
لو بصينا لأي مؤسسة من الناحية الرقمية هنلاقي مثلا عندنا شارع عريض اسمه Enterprise Service Bus مبني على يمينه وشماله نظم رقمية مختلفة ومتوصله بيه. وده اللي خلى لكل مؤسسة Enterprise Architect بيخطط البناء الداخلي لنظم المعلومات والحلول والبيانات وعلاقتها بالمؤسسة وهيكلها Org. Chart
لو تخيلنا أن الحلول الرقمية تم تصميمها بشكل عشوائي أو تم اختيار أو شراء حلول رقمية مختلفة بدون Standard موحد بيخدم أهداف المؤسسة ورؤيتها يبقا الـ Technical Debt اللي تحدثنا عنه سابقا هيكبر بشكل سريع مع كل نظام جديد بيتم استحداثه ويتحول الأمر "للعشوائيات الرقمية"
خطورة العشوائيات الرقمية شبيهة بالعشوائيات المعمارية أولها ارتفاع الجريمة الرقمية لأن القدرة على تأمين النظم العشوائية أكيد أصعب ومكلفة أكتر. الخطر التاني صحة البيانات، في العشوائيات الرقمية المعلومات غير منظمة. فكر في كل خطر أو سلبية في العشوائيات هتلاقيها تمشي على السيناريو ده!
طب أيه الحل؟ لو عندك مؤسسة اتخذت طرق خاطئة أدت لارتفاع العشوائيات الرقمية فيها بسبب أن "مقاولين النظم" شغالين الله ينور على المؤسسات ومفيش حد بيراقب جودة الشغل تقنيا أو قدرته على التكامل مع النظم الأخرى لازم أولا تعمل زي ما الحكومة عملت في العشوائيات المخالفة زي أيه مثلا؟
لابد من وقف بناء النظم الرقمية المخالفة بدون تصاريح بناء، ومطلوب لائحة داخلية داخل مؤسستك للبناء الرقمي والاهتمام بالStandards العالمية في تصميم النظم وادارة الخدمات الرقمية ومطلوب تعمل مشروعات للقضاء على العشوائية وده استثمار مكلف بس مهم لو عايز تبقا في الصدارة ومستعد للابتكار
جاري تحميل الاقتراحات...