الموضوع بتاع ابن الممثل اللي خرجوه من حمام السباحه المخصص لابناء الضباط بيلخص حال مصر تحت حكم العسكر
الناس دي شايفه انهم جنس تاني غير البشر او فوق البشر احنا فعلا عايشين في دولة الضباط
الناس دي شايفه انهم جنس تاني غير البشر او فوق البشر احنا فعلا عايشين في دولة الضباط
ثلاث فئات بس في البلد هم اللي عايشين في نعيم ضباط الشرطه والجيش والقضاة باقي الشعب أمنه وسلامته مرهون بمدي قربه او انبطاحه للثلاث فئات دول
والكلام ده ساري علي رجال الاعمال والفنانيين والاعلاميين اوعي تفتكر ان فلوسك او شهرتك هتجعلك واحد من "السادة" لا يابابا انت حبيبهم طول ما انت منبطح وشاطر وبتسمع الكلام وبتدفع هتخرج عن الحدود هتتفرم وهتترمي ف السجن ولجانهم هتنهش في عرضك ويطالبوا بإعدامك لو تطلب الامر
وتحس انه خلاص النظام بيتعامل ف الموضوع ده بكل بجاحه اللي هو ايوه احنا السادة وانتم العبيد وايوة مفيش ضابط هيتحاكم واكبر مرتبات هياخدوها ومعاشاتهم هتزيد مليون مره ف السنة في الوقت اللي غيرهم رافع مليون قضيه علشان يصرف زيادات المعاشات
ايوة ياسيدي احنا عملنا كل ده واللي عندكم اعملوه ، كل ده معروف ومفهوم من زمان لكن الاعجب انك بتلاقي واحد مش لاقي ياكل وبيدافع عن الفئات الثلاثه دي ومستعد يفديهم برقبته !! يعني ولا بيتعالج في مستشفياتهم ولا بياخد ربع مرتبهم وتلاقيه مستميت في الدفاع عن اللي بينهبوا قوت عياله !!
يعني أسر الضباط والقضاة مفهوم انهم بيطبلوا وبياخدوا المقابل لكن انت بتطبل ليه يافقير يامعدوم العافيه ؟ اخيرا عاوز اقول ان لو في حد واخد حقنا ف البلد دي فهيكونوا الثلاث فئات دول
وهم دول وأسرهم المؤيدين الحقيقين للنظام وهتلاقيهم اكتر ناس هتموت نفسها علي بقاء النظام ده لان ببساطه هم دول المنتفعين الحقيقيين اما رجال الاعمال والفنانيين والاعلاميين هم اول ناس بينطوا من المركب قبل ماتغرق
وف ثانيه بعد ماكانوا بيسبحوا بحمد النظام بيكونوا اول ناس تنهش ف لحمه بعد سقوطه ولنا ف عمرو اديب وتامر امين خير مثال وعبرة
وختاماً حابب اقول ان حالنا مش هيتعدل غير لما ابن الضابط ينزل البسيين مع ابن المواطن العادي وشكرا 😁
وختاماً حابب اقول ان حالنا مش هيتعدل غير لما ابن الضابط ينزل البسيين مع ابن المواطن العادي وشكرا 😁
جاري تحميل الاقتراحات...