في مادة اسمها software engineering اعتقد معظم طلبة software عارفينها. مشكلة المادة دي انها نظرية بنسبة كبيرة واحنا بنحب العملي.. اديني في العملي وملكش دعوة. المادة دي فعلا عظيمة بكل المقاييس ومفيش software engineer ناجح الا لما يكون حافظ كل الtopics اللي في المادة دي.
انا ليا معاها حكاية بقي..
المادة دي من اول يوم وانا مهتم بيها وبذاكرها كويس والtopics اللي كانت مقررة علينا كنت مذاكرها من المرجع وكنت من القلائل اللي نجحو فيها من اول مرة 😂 لكن لما دخلت سوق العمل.. وخصوصا ان مكنش في senior عليا في الفترة دي واغلب شغلي كان freelancing !
المادة دي من اول يوم وانا مهتم بيها وبذاكرها كويس والtopics اللي كانت مقررة علينا كنت مذاكرها من المرجع وكنت من القلائل اللي نجحو فيها من اول مرة 😂 لكن لما دخلت سوق العمل.. وخصوصا ان مكنش في senior عليا في الفترة دي واغلب شغلي كان freelancing !
مكنتش بطبق منها اي حاجة. انا عارف بس مش بطبق. من مشروع لمشروع ومن فكرة لفكرة، ومن scale صغير لاكبرومن عميل للتاني بدأت تواجهني المشاكل اللي مادة الsoftware engineering اصلا اتعملت عشان تحلها! اللي هو ايه دا انا لازم اتزنق يعني عشان الجأ ليها؟!
شوية تفكير في اللي حصل اكتشفت حاجة مهمة جدا، ان المادة دي علي قد ما هي عظيمة علي قد ما هي محتاجة خبرة كبيرة جدا عشان تقدر تستخدمها وتستفيد بنظريتها!
حرفيا لازم تقع في المشكلة عشان الحل اللي موجود في ذاكرتك ينور ويقولك انا اهو اعمل كذا وكذا.. خصوصا لو مش معاك senior هو اللي بيوجهك ويقولك تعمل ايه ومتعملش ايه.
وخصوصا انها مختلفة عن باقي الtopics اللي ممكن يكون معظمنا درسها، زي الOOP والrelational database والdata structure والalgorithms. مختلفة في انها مش مجرد اداة بتؤدي وظيفة معينة بطريقة معينة، لا دي فلسفة ومنهج.
طيب عايز اقول ايه في الاخر؟! وجود senior معاك في بداية رحلتك مهم جدا ولا يقدر بمال. وتاني حاجة القراءة من اهم سمات المهندس الناجح، الtopic اللي هتقرأه حتي لو شايف انه مش مهم دلوقتي كمان مشروع ولا اتنين هتلاقي انك يا اما محتاجه ومجبر عليه، يا اما هتلاقيه بيسهل عليك كتير..
انا عارف ان النصائح دي مكررة وكل الزملاء سمعوها قبل كدا كتير لكن حبيت اني اشاركها بتجربة عملية انا عيشت فيها يمكن تفرق مع حد غيري.
جاري تحميل الاقتراحات...