رتبها

هذا الثريد لكل الباحثين عن عمل “العاطلين على قولت ربعنا 🤷🏻‍♂️”
بما انك للحين تنتظر وظيفة شرايك نطلع رحلة سريعة 🚗
خل نشوف شنو البدائل المتوفرة للباحثين عن عمل؟ 🙄
#القاهري_يثرد

الاولى
بدل تعطل
وينتظر سنوات من عمره وظيفه تناسب شهادته 👴🏻
وغالبا ما راح يحصل وراح يشتغل اي شي ماله خص في دراسته
على ما يطور نفسه في مجاله الجديد ويتصارع مع واقع ان هذا مو تخصصه وللحين في امل يحصل شغل في الحكومة
طافت سنين العمر
ولما يحصل ترقيه عقبها بشوي يطلع تقاعد

البديل الثاني اللي الكل يسولف فيه
ان يكون عندك واسطة
انزين واللي ماعنده؟ 😏
ليش قاعد ينتظر يصير عنده؟
انزين اذا ما قاعد ينتظر شقاعد يسوي غير عن ان يندب حظه ان ما عنده؟
شويات بس ويصير نفس اللي قبله

الثالث
يقرر يفتح مشروع
طبعا واكيد اهوا دارس فما يحتاج لا يستشير ولا يدرس ولا يسأل
خلاص شهادته كفاية 🤓
يطقله قرض ودعم من كم جهه
وبدون ماطول عليكم "to make the story short”
راح يقوع "يطب على ويهه" المشروع بسبب ان مافي تخطيط صح

الرابع
يقرر يستغل مهاراته ويشتغل من البيت 💻
وبفهومنا الدارج "يطقطق على ما يحصل شغل"
بمفهوم الدول المتقدمة "freelancer”
لهذا قلت خل اروح اسأل العم جوجل جم واحد في امريكا يطقطق
وانصدمت بالرقم
٥٩ مليون شخص
يعني ثلث القوة العاملة من الشعب الامريكي يطقطق على ما يحصل شغل بمفهومنا

بس بو الجواجل يقول انهم كلش ما يطقطقون ولا معتبرين الفريلانس او بالعربي العمل المستقل، مجرد فترة انتقالية على ما يحصل واسطة او الحكومة توظفه 🤷🏻‍♂️
ومو كلهم اساسا ينحطون في خانه وحده ويختلفون تماما بأهدافهم وطريقة عملهم

تتقسم أهداف العاملين المستقلين الى ٣ أهداف:
١- يعمل كمستقل من أجل خبرة تأهله لوظيفة قوية
٢- يعمل كمستقل من أجل خبرة تأهله يتوسع بمشروعه وتحويله الى شركة
٣- يعمل كمستقل من أجل حريته المالية وطريقة حياته
"مثلا: مبرمج وعايش في فان يفتر فيه بين ولايات امريكا" 🚐

طبعا الحين ابو مكسر وفانيله بيرد علي
تقارنه في امريكا
احنا في بلد مافي فرص نفس امريكا
صح كلامك حجي
بس احنا في بلد فيه انترنت نفس امريكا
اوبااااا 🤭
هل تعلم عزيزي المتحلطم ابو نظرة سوداوية
انك ممكن تفتح مشروع في امريكا وانت قاعد في صالة بيتكم تشرب قدو؟
ما كنت تعلم صح؟

الدراسات تقول ان معظم المستقلين يعتمدون على الانترنت بشكل اساسي بتسويق منتجاتهم وخدماتهم ووصلوهم لعملاء مستهدفين من حول العالم
الانترنت اللي يستخدمونه اهوا نفسه اللي الربع عندنا يستخدمونه عشان يسفلون في الدنيا وعلى الوظيفة اللي ناطرينها 😫

تايم اوت
ادري الموضوع ممكن يدش في السياسة
وخلني احلل وياك الوضع
شنو الفرق بينه وبين الناس الناجحة برا ؟
انهم عارفين يستغلون الموارد المتاحة
شنو الشي اللي متوفر يستخدمونه صح لهذا يبين ان كلشي عندهم بيرفكت
احنا عندنا دعم القطاع الخاص نصه ينلطش وكلنا عارفين وساكتين 🤐

نرجع لمحور حديثنا
٢٠٢١ انت تقدر تشتغل في أغلب القطاعات الخدمية وقطاعات التجزئة وانت نايم بفراشك
لا وازيدك بعد
تطلع فلوس وانت نايم

اي الحين قاعد تقول هاي الحجي اللي يقصون على الناس فيه
لا عزيزي من باب تجربه
انا اليوم الصبح قعدت من نومتي احتسيت قهوتي وجيكت موقعي اللي نبيع فيه خدمتي و٤ مشتركين دافعين نوطي بو ألفي راد بيتي 😆
والعملاء من برا الديرة بعد

اقنعني الحين انك ما تقدر تسوي نفس الشي واحسن
الحين طبعا متوقع بقولك عن دورة دليل العمل المستقل ومنصة تدريب هب؟!
لا ما بقول
اللي مهتم يدور عن تدريب هب او غير تدريب هب
بس يبتدي يدور ويتعلم وينفذ
اليوم في فرص كبيرة جدا
بعد سنة سنتين ما راح تكون ناطرتك

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد