رتبها

السلام عليكم🖐
هاد النهار غانفتاتحو سلسلة الثريدات بشبهة خطيرة كاتغلط القرآن الكريم،وقليل لي عندو معلومات على الجواب عليها،كانتمنى الشرح والأدلة لي غانحط هنا يفيدكم، وحبذا لو كاتعرفو شي حد لاديني أو مسيحي شاركو معاه هاد الثريد🙏
على بركة الله ♥️
⤵️

الشبهة كاتقول بلي القرآن ذكر واحد الشخص سميتو عزير قالو عليه اليهود هو ابن الله ولكن اليهود حاليا ماتايعرفو تاشي حد بهاد السمية! والسمية لي كاتشبه ليها هي عزرا ،ولكن اليهود عاوتاني حاليا تايقوليك عمر شي حد قال عزرا ابن الله! إذن ومنه القرآن دار خطأ.
⤵️

#الرد_على_الشبهة
أولا ياأصدقائي عدم العلم بالشيء ليس دليلا على عدم وجوده ، يعني الى نتا عندك جهل بكتب التاريخ أو عمرك سمعتي بلي شي طائفة يهودية تايألهو عزرا فهادا ماتايعنيش ماكاينينش
( #عزرا_עזרא )هو في اليهودية أحد قادة شعب اليهود ،وعندو سفر كامل فالكتاب المقدس بسميتو..
⤵️

لنفترض جدلا القرآن خطأ، إذن خاصنا نرجعو لكتب التاريخ لي تايهضرو على هادشي وهنا غانحط ليكم هاد الصفحة من الكتاب الجميل-تاريخ مختصر الدول- للعلامة المعروف بابن العبري،ولي تايقول"وفي سنة سبع من ملكه أمر عزرا الحبر وهو الذي تسميه العرب عُزَير أن يصعد إلى أورشليم.."
⤵️

إذن هاد المسيحي☝️تايقول بلي عزرا هو لي تايسميوه العرب عزير
نزيدو مثال ثاني من كتاب
تنقيح الأبحاث للملل الثلاث
لسعد بن منصور بن كمونة اليهودي"وعزرا الذي ينسبون إليه تجديد التوراة بعد ذهابها كما زعموا هو من المشهورين بالتعظيم وكثرة الخير والدين وهو الذي يسميه المسلمون بعُزير.."
⤵️

هااا وشهد شاهد من أهلها 🤭
أجي دابا نشوفو واش كاين شي طائفة من اليهود كاتقول بلي عزرا ابن الله.
كاينة طائفة سميتها"الحسيديم" تايقولو بلي مسيحهم المنتظر هو عزرا الحبر وتايلقبوه 'بعُزَير' وعندهم نشيد هو لي فالسكرين👇

فالبداية ديالو تايقولو:
🔹️יתגלה עוזר וסועד "️هِحَيينو إل عَد مُوعد" = أحيينا يا الله حتى الميعاد
🔹️יתגלה עוזר וסועד "يِتجلاّ عُزير وِسُعيد" = يظهر عزير المناصر والمعين
⤵️

بالإضافة لهادشي فالتلمود تايزعمو اليهود بلي المسيح الملك هو ابن الله على حقيقتو يعني ولدو(تعالى الله علوا كبيرا)
جا فتفسير فالمزمور2 :7-8(شوفو السكرين👇)
وباقيين أدلة آخرين غانحتافظ بيهم حتى لمرة أخرى حيت مابغيتش نطول بزاف ،غانزيد فقط هاد اللعيبة وصافي وصبرو معاي😁
⤵️

معروف للناس المهتمين باللغات السامية وأشكال التقابلات الصوتية والحركية بلي الفتح لي تايكون متبوع بياء ساكنة بحال فهاد الكلمة ديال عزير تايقابلو فاللغة العبرية حركة الصيري(المد بالياء المائل للفتح) داكشي علاش..
⤵️

كلمة عزير جات مطابقة تماما ل עוזר لي كاتنطق بمد الياء المائل،وهي اسم فاعل من فعل עזר=عَزَر لي تايعني(مناصر،معزِّر).
ومنه نستنتج أن الافتراض اللول خاطئ، وهاكا نسفنا شبهة جديدة من الشبهات لي كاتدعي بلي القرآن فيه خطأ والسلام عليكم ورحمة الله.
دمتم سالمين♥️🌼

فحالة بغا شي حد يقرا الكتب لي حطيت ومالقاهمش ، يخلي ليا نمرتو ولا الجمايل ديالو هنا ولا فDM نسيفطهم ليه.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة