طيب دول شوية تيبس كدا للشراء أونلاين وده رأي شخصي لا يعوّل عليه:
١-الميزة الأساسية في الأونلاين إنك تلاقي الحاجة اللي عاجباك وأنت في بيتك تمام وكل حاجة بس متبقاش أهوج وقراراتك هوجاء عشان نفسك في الحاجة اصبر واتفرج كتير وقارن بين الأسعار هتقولي وأنا هعرف منين بس؟ يظهرولك متقلقش
١-الميزة الأساسية في الأونلاين إنك تلاقي الحاجة اللي عاجباك وأنت في بيتك تمام وكل حاجة بس متبقاش أهوج وقراراتك هوجاء عشان نفسك في الحاجة اصبر واتفرج كتير وقارن بين الأسعار هتقولي وأنا هعرف منين بس؟ يظهرولك متقلقش
٢- المنتجات المتكررة خاصة الهدوم في كذا حتة في كذا مكان بنفس الصور حتى بنفس الكلام التسويقي عليها دي منتجات اسمها منتجات مكاتب بيجيبوا موديلات البراندز المشهورة ويقلدوها ويعملوا منها كتير أوي وألوان كتير أوي فكُن حذرًا لو قررت تختار حاجة منهم.
٣- كل اللي فات ده مقدمة للنصيحة الذهبية "احفظ مقاسك بالسم"، هات/ي بلوزة مقاسها كويس عليك وقيسي دوران الصدر بتاعها أو من الباط للباط زي ما بيقولوا ولما تعجبك حاجة تدخل تسأل عايز جدول المقاسات أو الsize guide واختار مقاسك زي ما قيسته ولو قالك المقاسات عندنا بالكليو كنسلهم فورًا.
٤- هتموت وبتشتري حاجة مقاساتها بالكليو برغم إني لا احبذ هذا دايمًا متصدقهوش اشتري الأكبر من اللي قاله يعني ايه؟ يعني مثلا لو وزنك ٧٥ قالك بيلبس من ٦٠-٧٥ كيلو اشتري الأكبر.
٥-بلاش صفحات تحت السلم، بالهداوة كدا قيّمهم، تدخل تتفرج على البيدچ تشوف صفحة قديمة ولا لسه معمولة الصور بتاعتهم ولا شكلها مسروق ومشخبطين على البراند، طب الناس رأيها ايه؟ ايه دا الانفلونسرز بيشتروا منهم؟ خش عند الانفلونسرز شوف الهدوم شكلها عليهم ايه، مستواهم عمومًا عامل ازاي؟
٦- لا تغفل سؤال مهم جدًا ألا وهو القماشة ايه حتى لو جزمة، واتعلم تحفظ أسماء القماشات الحلوة لو عايز تجيب حاجات حلوة أونلاين، اتعب حبة ودور على جوجل القماشة دي محبوبة ولا لأ، عشان في قماشات شكلها رخيص برغم إنك دافع الشيء الفلاني زي القطن الچيل مثلًا ومن أحلى القماش الكريب التركي
٧- زملائك المستهلكين هم زملائك في الكفاح، خد كل الفيدباكس بتاعتهم بعين الاعتبار وصدقهم، لو فيدباك واحد قال القميص ده بيتكرمش يبقا بيتكرمش 👍🏼
٨- ضروري، أسأل عن سياسة الاستبدال والاسترجاع ومن ردهم أنت لوحدك هتعرف دول تحت السلم ولا كويسين، وأسألهم إذا كان ينفع تفتح المنتج تبص عليه قبل ما المندوب يمشي، متاخدش حاجة إلا لما تشوفها وتقيسها إلا بقا لو مواقع مشهورة واثق في سياسة استرجاعهم مش هيعملولك بلوك أول ما تدفع الفلوس.
٩- منتجات المكاتب لازم تاخد الحذر منها ليه؟ عشان هى بتقلد مش بيرفكت فدايمًا خليك في السليم ولو عجبك حاجة خاصة البنات بلاش تكون قصات صعبة وكلوش ومعرفش ايه لسببين اولًا شكلها بيبقا رخيص ثانيًا هتلاقيها مرطرطة في كل حتة، اشتري منهم البيزكس مثلا عشان أرخص بس خلي بالك من القماش
١٠- استنى السيل عشان متضربش نفسك بالجزمة على كل قرش دفعته 🤙🏼
ده كل اللي فاكراه حاليًا لو افتكرت حاجة تانية هزودها ولو حد حابب يزود حاجة يتفضل :D
ولو حد عنده سؤال يتفضل 👍🏼
ولو حد عنده سؤال يتفضل 👍🏼
١١- كنت هنسى، متنساش تسأل سؤالين مهمين
-عايز اشوف الحاجة على الطبيعة
-الموديل لابس/ة مقاس كام
هيساعدك تقيّم الحاجات أحسن جدًا خالص
-عايز اشوف الحاجة على الطبيعة
-الموديل لابس/ة مقاس كام
هيساعدك تقيّم الحاجات أحسن جدًا خالص
بتمنالكوا صرف أموال سعيد وتلبسوا وتدوّبوا في عرق الصحة والهنا والعافية
باي ❤️
باي ❤️
جاري تحميل الاقتراحات...