نحن الغالبين اللي بنجري مجبورين :
طبعا في السودان هنا المجتمع طبقات مختلفة فخلوني أتكلم ليكم شوية عن طبقتي ، اللي هي الطبقة المتوسطة ، اللي ما اتولدنا ونحن عندنا أملاك ، ولا دخلنا مدارس رسومها بالدولار ، ما كان عندنا زمن عشان يكون عندنا هواية ، ولا بنعرف شغف معناه شنو ++
طبعا في السودان هنا المجتمع طبقات مختلفة فخلوني أتكلم ليكم شوية عن طبقتي ، اللي هي الطبقة المتوسطة ، اللي ما اتولدنا ونحن عندنا أملاك ، ولا دخلنا مدارس رسومها بالدولار ، ما كان عندنا زمن عشان يكون عندنا هواية ، ولا بنعرف شغف معناه شنو ++
نحن عندنا المنجارتة ، والجري ورا الرزق ، عشان ما تموت جوع وعشان ما تضطر تسأل زول ، نحن الزول من يقوم وهو في سباق مع الزمن ، اقرا سريع سريع ، اشتغل وانت بتقرا ، وشوف كلية سنينها بسيطة عشان تتخرج ، نحن ما عندنا الفردانية بتاعت اتابع شغفي وطز في الناس لا نحن عندنا الأسرة أولا ++
نحن اللي كبير البيت ممكن يخلي دراسته عشان يساعد في المصاريف وبيعمل كدا بطيب خاطر ، نحن اللي بنعرف السودان ، ما بعرفوه اللي علاقتهم بيه داخل أحياء مقفولة الصوت اللي بتسمع فيها صوت الجينيرترات وكلاب الحراسة ، نحن تعبنا من البلد دي مش عشان ما بنحب بلدنا ، لكن عشان عايزين نعيش ++
حياة كريمة لينا ولأسرنا ، نحن مضطرين نطور نفسنا تحت كل الظروف ما عشان نحس بالتميز لا عشان ما نجوع ، نحن اللي وقت نقرر نرفه عندنا ضل النيم وستات الشاي والغريبة مسميننا عطالة 😂 نحن ما عطالة نحن فرصنا سرقت ومفحوتين عشان نقلعها تاني ، ما بنحسد زول أبدا فالمال مال الله والخلق ++
مستخلفون فيه ، لكن رجاء تجربتك الناعمة الجميلة ما تعممها لينا ، كان طريقك ساهل من نعمة ربنا عليك لكن ما تفتكر اننا ما اجتهدنا ، وأخيرا لناس طبقتي اللي قريباً حيكونوا تحت خط الفقر او كانو ، ما تتوقف اجتهد عشان لما تجيك الفرصة تقدر تستغلها ، ما حقوليك ما تحسد زول لانه ما طبعك اه ..
جاري تحميل الاقتراحات...