كام نقطة مهمين برضه ياسيادة الرئيس ، الفترة الجاية محتاجة إن الدولة تبدأ مرحلة التركيز العميق في تسهيل حياة الناس ومعاملاتهم اليومية .. ودي علشان المواطن يحس باللي بتعمله الدولة من تطوير فعلاً .. لأن فيه طبقات كتير أوي عندها عزة النفس إنها تشتكي ودول عصب الشعب @AlsisiOfficial

الطبقات المتوسطة فالأقل عندهم مجموعة مشاكل كده شبه بعضها متعلقة بمستقبلهم . لسه فيه ناس بتشتغل بنفس الروتين اللي بيعطل مصالح وحقوق الناس ، لازم الدولة وخصوصًا رئاسة الجمهورية تبدأ تركز في فتح منافذ جديدة للتواصل مع الناس بشكل أقوى وترد على الشكاوي اللي بتتبعت لها @AlsisiOfficial

مثلاً : الفئات اللي معندهاش مورد رزق ثابت .. واللي معندهمش مبلغ متجمد كتقديمة لشقة ثابتة .. مش هيقدروا يستفيدوا أبدًا بأي تطورات في مجالات الإسكان ، ودي فئة ماينفعش إنها تتساب من غير حلول تحميها وتضمن لها الأمان ياسيادة الرئيس . @AlsisiOfficial

الفئات دي مستواها الإجتماعي مرتفع لكن مستواهم المادي مع مرور الزمن بينخفض أكتر وأكتر ياسيادة الرئيس ودول اللي بيتقال عنهم (تحسبهم أغنياء من التعفف) ، دول الإنعكاس الواقعي للطبقة المتوسطة فالأقل . سواء كانوا سكان مدن أو قرى @AlsisiOfficial

من فضلك ياسيادة الرئيس .. محتاجين رئاسة الجمهورية تفتح قنوات تواصل أكتر مع الناس .. البريد الإلكتروني يتفعل تاني ، البريد العادي يتم الإهتمام بيه ، تكون فيه حسابات وصفحات رسمية لإستقبال الشكاوى تابعة لرئاسة الجمهورية ، مش كل الناس تقدر توصل للإعلام أو تبقى ترند @AlsisiOfficial