صديقي كان اجتماعي وذكي وموهوب وفعال بمجموعتنا والمجموعة مايصير فيها فعالية إذا غاب وبين يوم وليلة انقطع عني وحاولت اتواصل معه وكان رافض التواصل!!
ظنيت انه زعلان بكيفه فقلت مثل اللي بيقوله أي شخص بينحط بموقفي "من راح من كيفه وكيفه موديه خله على كيفه وكيفه يجيبه".
… يتبع ١
ظنيت انه زعلان بكيفه فقلت مثل اللي بيقوله أي شخص بينحط بموقفي "من راح من كيفه وكيفه موديه خله على كيفه وكيفه يجيبه".
… يتبع ١
بعد كم اسبوع اكتشفت ان الرجال قاطع المجموعة كلها ولا قطعني أنا الحالي فأنبني ضميري وقلت يمكن فلان فيه شي.
دقيت سلف الموتر ووصلت باب بيته وطقيت الباب وفتح لي ،تأملته وجهه شاحب وذابل وجسمه تغير وباين ان وزنه نازل !!
توني بقول كيف حالك يا فلان إلا سكر الباب بوجهي !!
… يتبع ٢
دقيت سلف الموتر ووصلت باب بيته وطقيت الباب وفتح لي ،تأملته وجهه شاحب وذابل وجسمه تغير وباين ان وزنه نازل !!
توني بقول كيف حالك يا فلان إلا سكر الباب بوجهي !!
… يتبع ٢
جاني شعور غريب ،شعور يقولي خل عندك كرامة ولا ابوه لا ابو من جابه وشعور يقول انت شفت وجه الرجال وحاله فخل محاسنه تشفع لمساوئه وقفيت عن بيتهم وأنا في صراع بين هالشعورين اللي كل واحد منهم أقوى من الثاني ،لكني قررت اعلم اخويانا باللي حصل وآخذ رايهم وبالفعل رحت لهم وبلغتهم.
…يتبع ٣
…يتبع ٣
ردود أفعالهم كانت مابين مندهش من فعله معي وبين اللي ما صدقوا وبين اللي يقول ((اتركه تراه صاير نفسية يومين وبيرجع)).
استوقفتني كلمة (صاير نفسية) لأن الرجال كان الأوسع صدر فينا وهو اللي يجمعنا لذلك استبعدتها ،فتجاهلت الموضوع وقلت في نفسي "سويت اللي علي وخله يومين ويرجع".
… يتبع ٤
استوقفتني كلمة (صاير نفسية) لأن الرجال كان الأوسع صدر فينا وهو اللي يجمعنا لذلك استبعدتها ،فتجاهلت الموضوع وقلت في نفسي "سويت اللي علي وخله يومين ويرجع".
… يتبع ٤
اليومين صارت شهرين ،هنا أنا ما ارتحت خصوصاً بعد ما سئلت اصدقاء مشتركين بيننا وكلهم يقولون مانشوفه ومطنش اتصالاتنا.
فقررت اروح بيتهم واعيد الكرة ،وبالفعل رحت وهالمرة طلعت لي امه !!
سئلت عنه وتنهدت تنهيدة طويلة وقالت انه يقول قولوا فلان مهوب موجود وكانك تبيه ادخل عليه!
… يتبع ٥
فقررت اروح بيتهم واعيد الكرة ،وبالفعل رحت وهالمرة طلعت لي امه !!
سئلت عنه وتنهدت تنهيدة طويلة وقالت انه يقول قولوا فلان مهوب موجود وكانك تبيه ادخل عليه!
… يتبع ٥
أنا استكبرت الموضوع واستحيت وحسيتها قلة أدب وبجاحة اني ادخل عنده ،فاعتذرت وقلت "بجيه بوقت ثاني" لكني يوم قفيت نادتني والدته والحت علي ادخل واشوف وشفيه !!
تذكرت ان صديقي هذا ابوه متوفي ولا له الا أخ اصغر منه وفرق العمر بينهم كبير ،فقلت في نفسي يالله بدخل وأمري لله.
… يتبع ٦
تذكرت ان صديقي هذا ابوه متوفي ولا له الا أخ اصغر منه وفرق العمر بينهم كبير ،فقلت في نفسي يالله بدخل وأمري لله.
… يتبع ٦
دخلت ملحق بيتهم ولقيته منسدح والمكان محيوس ووضعه اسوء من المرة الأولى اللي شفته فيها بكثير والولد تفاجئ بدخولي وتغير وجهه مع ابتسامة صفراء.
جلست وسلمت عليه وكل محاولاتي في اني اسولف معه فشلت لأنه وكان واضح انه غير مرحب فيني.
ضغطت على نفسي وبديت اسئله وشفيك ما وشفيك.
… يتبع ٧
جلست وسلمت عليه وكل محاولاتي في اني اسولف معه فشلت لأنه وكان واضح انه غير مرحب فيني.
ضغطت على نفسي وبديت اسئله وشفيك ما وشفيك.
… يتبع ٧
كان صامت وهالشي خلاني اتأكد ان فيه شي ومع الوقت ، انهار الولد وقال انا مدري وشفيني شكلي مسحور أو مريض نفسي وكلام كثير مافهمت منه الا ان الموضوع يحتاج مختص.
فقلت له تعال معي وبتزين امورك ،رفض بالبداية لين سايسته وقلت بروح أنا وياك لشيخ حتى أنا احس اني منيب مضبوط 😂
… يتبع ٨
فقلت له تعال معي وبتزين امورك ،رفض بالبداية لين سايسته وقلت بروح أنا وياك لشيخ حتى أنا احس اني منيب مضبوط 😂
… يتبع ٨
ركب معي ولا وقفت الا عند مركز … ،هالمركز معروف ومن المراكز الأهلية المختصة بالصحة النفسية ،فزعل علي وقال وش تقصد يوم تجيبني هنا (شايفني مجنون ووين شيخك اللي كنت بتوديني له).
فبهرت له الموضوع وقلت هذا مركز مختص بتنمية وتطوير مهارات الإنسان ولا هو للمجانين ومن هالكلام.
…يتبع ٩
فبهرت له الموضوع وقلت هذا مركز مختص بتنمية وتطوير مهارات الإنسان ولا هو للمجانين ومن هالكلام.
…يتبع ٩
بعد شد وشذب ومعركة طاحنة بيني وبينه وافق ونزل معي،فتح ملف وحجز ودخل على شخص متمكن ومختص ،من الجلسة الأولى شخص حالته بالإكتئاب وطلب منه تحاليل.
فكان عنده نقص حاد في فيتامين ب١٢ وفيتامين د ،الجلسة الثانية تم صرف بعض العلاجات واستمر عليها قرابة السنة.
… يتبع ١٠
فكان عنده نقص حاد في فيتامين ب١٢ وفيتامين د ،الجلسة الثانية تم صرف بعض العلاجات واستمر عليها قرابة السنة.
… يتبع ١٠
الرجال الآن ترك العلاج الدوائي ولا فيه الا العافية واموره زينه ،تعرض لتغيرات فيسلوجية وزادتها ضغوطات الحياة عليه لكونه مسؤول عن اخوه الصغير ووالدته ،فحصل اللي حصل وتعب.
لولا عناية الله ثم تدخل المختص كان تفاقم وضعه وازداد سوء ،لذلك احرصوا على من تحبون.
… يتبع ١١
لولا عناية الله ثم تدخل المختص كان تفاقم وضعه وازداد سوء ،لذلك احرصوا على من تحبون.
… يتبع ١١
- الخلاصة:
خوينا لو وديناه لراقي كان وسوس فيه وممكن يطلع فيه امراض الدنيا وتعقدت اموره وعاش حياته يدور بين الرقاة.
العين حق والسحر حق والقرآن علاج مادي ومعنوي قوي وعظيم ،هالأشياء ماينكرها مسلم عاقل ،لكن المختصين النفسيين لهم دورهم المساعد والفعال فلا تهملون هالجانب.
انتهى…
خوينا لو وديناه لراقي كان وسوس فيه وممكن يطلع فيه امراض الدنيا وتعقدت اموره وعاش حياته يدور بين الرقاة.
العين حق والسحر حق والقرآن علاج مادي ومعنوي قوي وعظيم ،هالأشياء ماينكرها مسلم عاقل ،لكن المختصين النفسيين لهم دورهم المساعد والفعال فلا تهملون هالجانب.
انتهى…
جاري تحميل الاقتراحات...