#ثريد_واقعي✔
1️⃣
أي علاقة بدايتها قائمة على عنصر "الانبهار" علاقة منتهية من قبل ما تبتدي ....
أي شخص مهما كان "مبهر" من بعيد بالنسبالك ؛ كشكل كلبس كوضع إجتماعي كأفكار و آراء .. الخ ..
مجرد ما تقرب منه هتكشتف أنه إنسان "عادي" .... و في الحقيقة كل "البشر" عاديين ....
1️⃣

2️⃣
مهما وصلوا لدرجة كبيرة من العلم أو المال أو الجمال أو السلطة أو أي نوع من ال powerفي النهاية هو إنسان "عادي"
ايه اللي بيخلي إنسان وجوده مش "عادي" ؟!
الوقت
التفاصيل
ال mental approach
ال harmony اللي بين الأرواح
التعود على وجود "الراحة" و "الأمان"..
المواصلة في الاهتمام..

3️⃣
مشكلة العلاقات في زمن السوشيال "زفت" ... إن كل واحد حابب يقرب منك .. already مكون فكرة عن شخصيتك في خياله ... مش هيديك حتى فرصة تكون "نفسك" .... اللي بالمناسبة ممكن جدا ميكنش ليها أي علاقة بالصورة اللي في خياله ..... شيء في منتهى الغباء و السذاجة حقيقي .....

4️⃣
العلاقات الحقيقية بتاخد وقت...
وقت لذيذ في الاستكشاف ... في التعلق بتفاصيل معينة ... في تكوين رصيد عشرة يأهلك أنك تسامح لو حصل خلاف ..... أنك "تتسرسب" في حياة إنسان و تبقى جزء من حياته .... أنك تقبله بعيوبه اللي بدأت تبان لأن عنده مميزات أكتر بكتير تستاهل أنك تصبر عليه ...

عاوز علاقات حقيقية ... خليك في الواقع ... و ادي الناس و نفسك وقت ..... احكم .. و شوف ❤
#العدوي