رتبها

محمد النعمان

9 تغريدة 10 قراءة Jun 12, 2021

#ثريد | مثل ما كتبت في البايو اني أشارك تجاربي في المال بكل وضوح فاليوم راح أشارك احد مصادر دخلي اللي تقريبا يجيب لي 7 إلى 10 الآف ريال شهريا.
اتمنى ان الثريد هذا يساعدك في ايجاد مصدر دخل لك على الانترنت
بسم الله

في البداية بدأت اكتب اعلان في منصة حراج عن تقديم خدمات تجهيز متاجر الكترونية بالكامل في #التجارة_الالكترونية
يعني:
أضيف منتجات
اكتب وصف المنتجات
احط صور
اخلص لك الصفحات القانونية للمتجر
اربطه لك ببوابات الدفع
اضبط لك الشحن مع احدى الشركات
وغيره الكثير من الخدمات

بعد ما اكتب الاعلان احط رقمي الواتس اب لانه رسمي اكثر و ثقة للناس، ويبدأوا الناس يدخلوا عندي و يطلبوا اسوي لهم متاجر الكترونية، منهم يبيع عسل و منهم عود و منهم قهوة و زعفران و منهم خضروات و كانت اسعاري تتراوح بين 1200 ريال إلى 1600 ريال حسب المنصة و الشغل وعدد المنتجات وغيرها...

تقريبا كل اسبوع اخلص بنفسي متجرين او 3 و أحيانا مافي ولا احد يتواصل معي لذلك اضطر اجدد الإعلان في منصة حراج و اجذب ناس اكثر و اكثر

بعد ما جددت الإعلانات كثروا الناس اللي يبغون اصمم لهم متاجر الكترونية وماعاد عندي وقت اكمل معهم فجاتني فكرة اني اتعاقد مع واحد من مصر يخلص لي شغلي ب 300 ريال لكل موقع واخلي تقريبا 900 إلى 1300 ريال في جيبي كربح لأني انا ماعندي تكلفة تسويقية ابدا

تعاقدت مع الأخ المصري من خلال منصة Upwrok وصار يشتغل لي على عدة مواقع و يخلصها لي واعطيه حقه و قررت اني استمر معه لأن شغله كان رهيب الصراحة
و المنصة هذه ممتازة حتى تتعاقد مع شخص يخلص لك شغلك بسعر رخيص خصوصا لو كان من الهند او مصر

وبكذا كسبت مصدر دخل يدخل لي تقريبا 1700 إلى 2500 ريال في الاسبوع و احيانا اقل و احيانا اكثر
نموذج العمل هذا اسمه ال drop service وهو انك تعيّن شخص يخلص لك الخدمات حقتك بأجر أقل ومناسب له في بلده وانت تاخذ الحصة الأكبر وبإذن الله راح اشرح عنه في كتيب مصادر الدخل المجاني قريبا.💵

بعض المتاجر اللي اشتغلت عليها بجميع الصور و التصاميم
daimondrose.com
em-perfume.com
zid.store
thamaratalkharj.com

أتمنى ان #الثريد افادكم و عطاكم افكار جديدة 💡 تقدروا تطبقونها حتى تزيد من دخلك الشهري
فالكم المليون يارب ❤️