كلمة اليوم هي sycophancy ومعناها التملّق الذليل خصوصًا مع الأشخاص اللي عندهم سُلطة
أصلها بالإغريقي هم كلمتين συκος/sykos يعني تين و φανης/fanēs يعني كشف/فضح
شدخل صح؟ read all about it ⬇️
أصلها بالإغريقي هم كلمتين συκος/sykos يعني تين و φανης/fanēs يعني كشف/فضح
شدخل صح؟ read all about it ⬇️
السالفة ومافيها ان أيام قبل، التين اللي ينزرع في منطقة أتيكا (اليونان حاليًا) كان طعمه كأنه نازل من الجنة، ومن كثر مايحبونه يستخدمونه كأنه خبز وفي الألعاب الاولومبية يعطون المتسابقين تين قبل لا يبدون وعادي الجائزة بعد تين واللي ماياكل تين كل يوم يسحبون جنسيته وأهله يتبرون منه.
من كثر ماكانوا فخورين بإنتاج التين كبر راسهم وقالوا احنا مو مضطرين نشاركه ويا أحد خله حقنا، بعدين قالوا لحظة شلون نفوشر ان عندنا أحسن تين؟ من بيصدقنا إذا محد يقدر يجربه ويعرف طعمه؟ فاتفقوا ان إذا أحد جا من برى عادي يعطونه بس ممنوع تصديره، نظام اللي يبينا يجينا احنا مانروح لأحد.
وخلاص صار تصدير التين ممنوع في أثينا واللي يحصلونه يهرّب تين للدول الباقية يلعنون شكله، فهني طلعت فئة جديدة من الناس اللي هم الsychophants (كاشفين التين) وصار التين كأنه مخدرات ويمكن اللي يهرّب مخدرات يطوفونه يخلونه يمشي يكمل شغله يترزق الله بس اللي يهرّب تين يشتكون عليه.
حتى ماكان في مكافئة يعني ماعطوهم درع تقديري ولا فلوس ولا حتى اتفاقية ان يعطونهم تين مدى الحياة، بس كانوا يبون يطلعون فيها قدام الحاكم ان ترى احنا المواطنيين الزينيين اللي نبي نحمي أثينا من مهربين التين الحثالة تفوووو عليهم تحيا أثينا وتين أثينا يظل في أرضها.
في البداية كان اوكي اللي مشكورين على تضحيتكم وتفانيكم، بعدين مصخوها صارت طربة ماظل أحد ماقالوا انه يهرّب بس عشان يطلعون فيها وبس خلاص محد قام يصدقهم وصار الشخص الچذاب اللي يتبلى على الناس يسمونه كاشف التين تحريات حمار، لما تأدبوا وصار كل واحد منشغل في روحه وبس يعني......
جاري تحميل الاقتراحات...