#ثريد_يزيد
كثير يسال هل التجارة الاكترونية مضمونه؟
بكون معاكم صادق مافي شي بالدنيا مضمون 100% حتى الوظيفه يمكن في اي لحظة ماتكمل معاهم
فلازم الشخص يغامر وياخذ الخطوه لكن بذكاء
يعني لاتبدا تجارة ومشروع وانت ماتعرف التجارة
حتى اللي يقولك مع التجارب تتعلم وهذا اكبر غلط

خصوصا اذا كانت تجارة فيها فلوس
الغلط فيها يكون مكلف جدا، وممكن يخسرك مشروعك كامل
ومن الطبيعي فيه اشياء ماراح تتعلمها الا مع التجارب لكن ضروري تكون متعلم وفاهم اللي تسويه
بعطيكم مثال واقعي

تخيل شخص اختار منتج او مشروع بناء على انه عجبه، وكان مستخسر يعرف مشاكله القانونية او هل فعلا السوق يحتاجه او يتعلم عن المشروع او المنتج او ياخذ استشارة بتغير شكل مشروعه كامل
وبدا المشروع واكتشف بنص المشروع ان المنتج مب جالس يبيع مهما سوا اعلانات وخطة تسويقية

بالضبط الحين فات الفوت ومهما استشرت احد او شفت مقاطع او اشتركت في دورات
ماراح تفيدك لانك بديت غلط وهو الاساس
اذا اساس مشروعك بديته غلط كل الباقي يصير غلط نفس لما تبني بيت او عمارة
عشان كذا من الضروري تصير متعلم الشغلة اللي بتدخلها بشكل كبير جدا
حتى لو تخسر فلوس على التعلم