احكيلكم بقى نظام التطعيم
اول ماتدخل حد واقف بره يقولك ورينى الرساله وهات البطاقة بيشوف الرساله وياخد يسجل الاسم ورقم البطاقة والتليفون دا ورقى
ويديك رقم وبعدين تدخل تقعد تستنى رقمك
تدخل عن دكتوره وممرضه الدكتورة قاعده لاويه بوزها والممرضه بتسئلك هل انت عيان طيب عندك مرض 1

هل جالك كحه او سخنيه امبارح او النهارده وبتسجل فى ابلكيشن ورقى بردو الاسم والسن ورقم البطاقة والتليفون واختيارات الامراض لو فيه وبعدين الدكتورة اللى قاعده لاويه بوزها بتمضى وبعدين يمضوك انت وكمان يبصموك حاجة غريبه التبصيم دى لزمته ايه؟
وبعدين تاخد الابلكيشن ده 2

وتدخل اوضه فىها اتنين كمبيوتر تروح تقدم لواحد فيهم الابلكيشن والبطاقة ياخدهم اسكانر ويسجل نفس البيانات تانى وزيادة عليهم رقم الطلب وبعدين يدوك ورقه تخينه شويه فيها اسمك وميعاد الجرعه التانيه ورقم الطلب مكتوبين بالقلم وتاخدها وتروح اوضه تالته بردو واحده ممرضه قاعدة تسجل اسمك تانى

وبعد الممرضه ماتسجل اسمك تانى لرابع مره ممرضه تانيه تديك التطعيم وبعد ماتاخد النطعيم تاخد الورقه تانى وتروح لأوضه الكمبيوتر يسجلوا حاجة تانى وبعدين تروح الروتين دا مش حينفع عاوزين سرعه فى التطعيم