رتبها

بطولات من وحي ملحمة الحب والدم والانتصار
⭕️ من ملفات المخابرات العامة المصرية
🔴 سقوط..شبكة عوفاديا
شبكة التجسس جندها 4 ضباط مخابرات عسكرية إسرائيلية المتهم الرئيسى يدعى عودة طلب إبراهيم.. ودخل الشبكة عن طريق والد زوجته
6️⃣ الحلقة السادسة
🔘المخابرات العسكرية الإسرائيلية كانت
👇🏻👇🏻

١- تكلف جواسيسها فى رفح منذ منتصف عام 2012 بجمع معلومات عن الجهادى "شادى المنيعى"
وهو نفسه "شادى المنيعى" الذى تطارده قوات الجيش المصرى فى نهاية 2013 وبداية 2014 لارتباطه بجماعة أنصار بيت المقدس التى نفذت عددا كبيرا من العمليات الإرهابية فى تلك الفترة
بداية من محاولة اغتيال وزير

٢-الداخلية وتفجير مديريةأمن جنوب سيناء ومديريةأمن الدقهلية
ومديرية أمن القاهرة
•النص الكامل لأقوال المتهم الأول عودة طلب إبراهيم فى تحقيقات نيابة أمن الدولة العليا
⁃ما هو اسمك وسنك وعنوانك؟
⁃اسمى: عودة طلب إبراهيم برهم وسنى 31 عام ومواليد 31/8/1982ومقيم فى منطقة الماسورة

٣- جوز أبورعد مدينة رفح محافظة شمال سيناء
⁃س: ما ظروف نشأتك الاجتماعية؟
⁃ج: أنا اتولدت سنة 1982 فى شهر أغسطس وعشت فى منطقة الماسورة فى رفح ووالدى شغال حداد كريتال وصاحب ورشة فى منطقة الجورة، ولى 6 إخوات رجال و4 إخوات بنات وأنا مكلمتش تعليمى من بعد الإعدادى وشغال فى ورشة

٤- الحدادة مع والدى وأنا أكبر واحد فى إخواتى وبصفة عامة مفيش مشاكل بينى وبين إخواتى أو أمى أو أبويا وإقامتى الدائمة من يوم ما اتولدت فى الماسورة فى رفح
⁃ س: ما حرفتك وطبيعة الأعمال التى مارستها لتعايشك؟
⁃ ج: أنا شغلانتى الأساسية فى الحدادة مع والدى فى الورشة ..لكن بطبيعة

٥- الأحوال علشان أنا من سكان رفح المصرية فمعظم اللى عايشين هناك بيشتغلو فى تجارة البضائع اللى الفلسطينيين بيشتروها ويدخلوا بيها إلى رفح الفلسطينية من خلال الأنفاق والأمر ده عادى هناك فى رفح وأنا اشتغلت فيها زى كل الناس هناك
⁃ س: وهل ممارستك لحرفتك الأساسية وتلك الأعمال الأخرى

٦-التى أشرت إليها تقتضى حيازتك لخط هاتف محمول إسرائيلى؟
⁃ج: أيوه
⁃س: وضح لنا ذلك؟
⁃ج: لأن بالنسبة للتعامل مع الفلسطينيين فيكون استخدام شريحة المحمول الأورانج الإسرائيلية أسهل لأن هما بيكون معاهم خط أورانج وتغطية الشبكة كويسة فى رفح المصرية ورفح الفلسطينية وأحسن من الخطوط

٧-المصرية .. وكمان الاتصال بين الخطوط الأورانج بيكون أرخص من الاتصال من أى شبكة مصرية إلى أورانج لأنها بتتحسب مكالمة محلية مش مكالمة دولية
⁃ س: ما تاريخ بداية حصولك على خط هاتف محمول إسرائيلى؟
⁃ ج: فى أواخر سنة 2009 أو أوائل سنة 2010
⁃ س: ما نوع الشريحة التى تحصلت عليها؟

٨-⁃ج: شريحة خط أورانج
⁃ س: كيف حصلت عليها؟
⁃ج: أنا أخذتها من شخص فلسطينى مشهور اسمه "دغمش" وهو كان بيتعامل معى بخصوص إنه بياخد بضائع عبارةعن مأكولات أو ملابس من عندنا من رفح المصرية ويمررها إلى رفح الفلسطينية من خلال الأنفاق
⁃س: ما تفصيلات معلوماتك عن الفلسطينى المدعو

٩- مشهور دغمش؟
⁃ج: أنا معرفش عنه إلا إن اسمه "دغمش" وهو بيشتغل فى تهريب البضائع إلى رفح الفلسطينية من خلال الأنفاق
⁃س: وهل علاقتك به مازالت قائمة؟
⁃ج: لأ ..التعامل انتهى فى أواخر عام 2010 تقريبا
⁃س: كيف كانت تتم أعمال تهريب البضائع إلى الجانب الفلسطينى؟
⁃ج: من خلال

١٠-الأنفاق الموجودة فى رفح أو فى منطقة الصرصورية
⁃ س: وهل مارست بنفسك أعمال التهريب عبر الأنفاق إلى الجانب الإسرائيلى؟
⁃ج: أنا كنت ناوى وقت لما الحاج عبدالله سليم والد زوجتى..كلمنى من إسرائيل على الخط الأورانج
⁃س: ما معلوماتك بشأن المدعو عبدالله سليم إبراهيم؟
⁃ ج: أنا

١١-معلوماتى عنه إنه مقيم بصفة دائمة فى إسرائيل تقريبا من سنة1988وأنه يعمل مزارع هناك والسبب فى إقامته الدائمة هناك أنه كان يعمل فى أعمال التجسس لصالح إسرائيل واتكشف أمره واتعمله قضية تخابر عام1988وهرب إلى إسرائيل ومعلوماتى أنه مازال على صلة بالمخابرات الإسرائيلية
⁃ س: كيف نما

١٢- إلى علمك تلك المعلومة؟
⁃ ج: المعلومات معروفة لكل الناس عندنا فى رفح
⁃ س: أين تحديدا يقيم داخل إسرائيل؟
⁃ ج: تقريبا فى منطقة "أوفيكم" وأنا معرفش موقف المنطقة ديه بالضبط فى إسرائيل
⁃ س: هل دارت ثمة لقاءات فيما بينك وبينه؟
⁃ ج: لأ.. لكن حدثت مكالمات تليفونية بيننا

١٣- ⁃ س: ما تاريخ أول تواصل هاتفى فيما بينكما؟
⁃ ج: فى أواخر سنة 2009 تقريبا
⁃ س: من القائم بالاتصال؟
⁃ ج: هوه اللى اتصل بى على التليفون الأورانج الإسرائيلى
⁃س: وكيف حصل على رقم هاتفك الأورانج الإسرائيلى؟
⁃ ج: أنا وقت المكالمة مكنتش أعرف هو جاب رقمى منين
بعد كده

١٤-عرفت إنه توصل لنمرتى عن طريق "سلامة حامد أبو جراد" الذى أعطاها لعمر حرب الغوايشة المقيم فى إسرائيل بجوار والد زوجتى عبدالله سليم
⁃ س: وما مضمون الحوار الذى دار فيما بينكما فى أول محادثة؟
⁃ ج: اللى حصل إنى فوجئت باتصاله من رقم أورانج إسرائيلى غير مسجل عندى وعرفنى بنفسه

١٥- وسألت عن أحواله وأحوال بيته ..وبعد كده تحدث مع زوجتى لأنها كانت بجوارى وقتها وبعدين أنا فكرت ساعتها إنى أكلمه علشان يساعدنى أشتغل فى التهريب إلى إسرائيل وأنا أخدت التليفون وطلبت منه الموضوع ده وهوه قال إنه هيتفق مع ناس فى إسرائيل علشان يساعدنى أشتغل فى التهريب
⁃ س: ولماذا

١٦- كنت ترغب فى ممارسة تهريب البضائع إلى إسرائيل؟
⁃ج: علشان الموضوع ده مريح وبيجيب فلوس كتيرة وأنا كان عندى ضائقة مالية وقتها
⁃ س: ما هى طبيعة البضائع محل ذلك النشاط؟
⁃ج: مفيش نوع محدد وأنا كان كلامى عن تهريب أى حاجة المهم تجيب فلوس وخلاص
⁃ س: ولماذا قصدت عبدالله سليم

١٧-إبراهيم تحديدا فى هذا الشأن؟
⁃ ج: علشان أنا معرفش حد مقيم فى إسرائيل غيره.. وموضوع التهريب إلى إسرائيل يحتاج أن يكون فيه أشخاص مقيمة هناك علشان ترتيب التهريب فأنا وجدت أنها فرصة إن عبدالله سليم هوه اللى اتصل بى فعلشان كده أنا فاتحته فى الموضوع
⁃ س: وعلى أى شىء انتهت تلك

١٨-المحادثة؟
⁃ ج: هوه وعدنى إنه هيساعدنى فى التهريب لإسرائيل وإنه هيتكلم ويتفق مع ناس معارفه مقيمة فى إسرائيل على هذا الأمر .. وقال لى سيكون بيننا اتصال تليفونى آخر يبلغنى فيه هو عمل إيه بخصوص موضوع مساعدتى إنى أشتغل فى التهريب إلى إسرائيل
⁃ س: وماذا كان تصرفه فى أعقاب تلك

١٩- المحادثة؟
⁃ ج: هوه اتصل بى بعد المكالمة بحوالى أسبوعين وأبلغنى أنه اتفق مع شخص فى إسرائيل هيشتغل معى فى التهريب ... وأن الشخص ده هيكلمنى فى التليفون بعد نصف ساعة وفى المكالمة دى كان كلامه معى بخصوص شغل التهريب اللى أنا طلبته ومجبتش أى سيرة عن شغل التجسس لصالح إسرائيل

٢٠-⁃ س: ومن الذى هاتفك عقب إنتهاء تلك المحادثة؟
⁃ ج: بعد مرور نصف ساعة تقريبا اتصل بى على الخط الأورانج الإسرائيلى شخص بيتكلم لغة عربية مكسرة
قالى إن اسمه أبوأكرم وفى أول المكالمة سألنى عن أخبار الحكومة المصرية إيه؟
فأنا وقتها فهمت إنه شغل تجسس وليس تهريب
• ملاحظة:أبو أكرم

٢١- الإسرائيلى هو الاسم الحركى لضابط المخابرات العسكرية الإسرائيلية "دانى عوفاديا" وإليه نسبت القضية وسميت قضية عوفاديا
⁃ س: ما مضمون الحوار الذى دار بينك وبين أبو أكرم؟
⁃ ج: هوه فى الأول عرفنى بنفسه إن اسمه أبو أكرم وكان واضح إن عبد الله سليم بجواره ..وبعدين سألنى عن أخبار

٢٢-الحكومة المصرية فأنا قلتله الأمور تمام - وبعد كده هوه إتكلم معى بصراحة إنه هيكون محتاج يعرف منى معلومات عن أخبار منطقة رفح بصفة عامة وعن الفلسطينيين المتسللين من الأنفاق إلى رفح المصرية وعن أماكن الأنفاق واستخداماتها واللى بيشغلوها وعن الفلسطينيين الموجودين عند الحدود مقابل

٢٣- مكافآت مالية فأنا وافقت وقلتله لما أعرف معلومات هبلغه
• المتهم الأول يعمل جاسوسا مزدوجا 8 أشهر للمخابرات المصرية والإسرائيلية
⁃س: ماذا كان تصرفك عقب انتهاء تلك المحادثة التليفونية؟
⁃ ج: أنا توجهت لواحد صاحبى اسمه "جلال برهم عليان" وهو من سكان نفس منطقتى جور أبو رعد

٢٤-وبيشتغل فى تهريب الأفارقة إلى إسرائيل وحكيت له اللى حصل وبلغته إنى عندى رغبة أتوجه إلى المخابرات المصرية أبلغ وهوه نصحنى أن أتوجه إلى الحاج "فرج سلامة أبوحلو" وهو من سكان عرب أبوحلو بمنطقة الماسورة ومعروف إنه على علاقة بضباط المخابرات فى رفح وإنه فى الوقت ده كان عاوز يترشح

٢٥-لمجلس الشعب
وأنا بالفعل قابلته على انفراد وحكيتله على الموضوع وهوه رتب لى لقاء مع ضابط مخابرات فى رفح
⁃ س: وكيف تم الإعداد للقائك بأحد ضباط المخابرات فى رفح؟
⁃ ج: الحاج "فرج سلامة أبو حلو" هوه اللى تولى الموضوع .. وبعدين كلمنى فى التليفون وأخدنى فى العربية فى نفس اليوم

٢٦-بالليل وتوجهنا إلى مكتب المخابرات الحربية فى رفح وتقابلت بالضابط فى حضور الحاج فرج سلامة
⁃س: ما مجريات ما تم فى ذلك اللقاء؟
⁃ج: ضابط المخابرات استقبلنى وأنا حكيتله كل اللى حصل فهو حذرنى وقالى إن الجماعة فى إسرائيل فلوسهم كتيرةوممكن يغرونى بالفلوس وقالى إنت حر ومفيش إجبار

٢٧- أو غصب على إنى أشتغل مع المخابرات المصرية إلا لو أنا عندى رغبة .. فأنا قلتله إنى أرغب أشتغل مع مصر فطلب منى أستمر فى التواصل مع "عبد الله سليم" والإسرائيلى "أبو أكرم" وأبلغه أول بأول .. ونصحنى إنى لما أتكلم مع الإسرائيلى أبو أكرم دايما أطلب منه فلوس علشان ميشكش فىيا وانتهى

٢٨-اللقاء على ذلك والضابط أخد رقم تليفونى بالخط المصرى
⁃ س: وماذا كان تصرفك عقب انتهاء ذلك اللقاء؟
⁃ ج: أنا بعد اللقاء ده بيوم أو اتنين اتصلت بعبد الله سليم وقلتله إنى عاوز فلوس وهوه قالى إنه هيبلغ أبوأكرم .. وبعد أسبوع تقريبا أبوأكرم اتصل بى وسألنى عن أسماء مهربين السلاح

٢٩-ومهربين الأفارقة؟
فأنا بلغته بالأسماء المعرفة فى رفح وقدمت له حصر كامل بكل العاملين فى تهريب الافارقة وهم
⁃1- صالح أبوالحسن المنيعى مقيم بمنطقة المهدية في رفح من قبيلة السواركة
⁃2- حمدان أبوعيد المنيعى مقيم بمنطقة المهدية - رفح -من قبيلة السواركة
⁃3- سامح أبوصنية مقيم

٣٠-بمنطقة المهدية -رفح-من قبيلة السواركة
4- موسى أبو الشاى المنيعى مقيم بمنطقة المهدية- رفح - من قبيلة السواركة
5- محمد أبو عطية أبو عرار مقيم بمنطقة المهدية- رفح -من قبيلة السواركة
وتقريبا كان أبو أكرم بيختبرنى وفى نهاية المكالمة أنا طلبت منه فلوس وهو قالى إنه هيبعتلى 750دولار

٣١- وبعد أسبوعين تقريبا اتصل بى شخص اسمه "أحمد سلامة المنيعى" وهو من سكان منطقة المهدية وشغال فى تجارة العملة وقالى ليك فلوس عندى فأنا قابلته وأخذت منه مبلغ 750 دولار
وأنا ما اتكلمتش مع وسيط الأموال ولا هو اتكلم معايا فى أى شىء
ولكن عرفت بعد كده إنه كان جهادى سابق
وشارك فى الهجوم

٣٢- على قسم شرطة ثانى العريش.. وبعد كده أنا اتصلت بضابط المخابرات المصرى واتقابلت معاه فى مكتبه برفح وبلغته بكل حاجة وأعطيته الدولارات كلها واستمريت فى التعامل معاه
⁃س: ما هى الفترة الزمنية لتعاونك مع المخابرات المصرية فى هذا الشأن؟
⁃ج: حوالى 8 شهور تقريبا فى خلال سنة 2009

٣٣-⁃ س: ما أوجه ذلك التعاون؟
⁃ ج: أنا كنت بتواصل مع أبوأكرم من خلال خط التليفون الأورانج
وكنت فى نفس الوقت أبلغ ضابط المخابرات المصرى بمضمون مكالماتى مع أبو أكرم الإسرائيلى وسجلت مكالمةبينى وبين أبو أكرم بالتنسيق مع ضابط المخابرات المصرى اللى كان بيطلب منى إنى أبلغ أبوأ كرم

٣٤- بالأمور العادية المعروفة عند الجميع فى رفح حتى لما انقطع التعامل مع الطرفين
الى اللقاء مع الحلقة السابعة وباقي اعترافات المتهمين أمام النيابة ومفاجات
شكرا متابعيني 🌹🌹

@rattibha

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة