احنا ف مجتمع بيتعامل مع المرض النفسي أنه حاجه من تلاتة :
_ يا إما بعيد عن ربنا و لما تقرب منه يبقي كده كل مشاكلك اتحلت.
_يا إما محتاج تسف ف أدوية قال ايه علشان تتحسن.
_ يا إما و ده الخيار الشائع انك شخص مجنون.
لكن للأسف ممكن كل واحد يطبق حاجه من دول و ما يستريحش برضه .

_اعرف ناس كان علاقتها كويسة جدا بربنا بس كانوا ممكن محتاجين أدوية أو شخص يفضفضوا معاه أو انهم ينعزلوا عن الناس اللي حواليهم ..

_ وفي ناس كان بيتاجر بيهم و قعدوا يسفوا ف أدوية و هما كان كل اللي محتاجينه يقربوا من ربنا أو شخص برضه يفضفضوا معاه و ف الاخر بينتهي بيهم الحال انهم بيدمنوا الأدوية دي و بيحصلهم اضطراب نفسي أكبر .

_ أما انهم يتعاملوا معاك ع انك شخص مجنون فده لأنه مش مكانك ولا عايش عيشتك و لا عايش ف ظروفك فبالتالي ممكن يشوف ده تفاهة أو جنون و معظم الأشخاص دي بتبقي أشخاص غلبانه و فهمها ع قدها فمستحيل انه يحس باللي انت بتمر بيه .

بس خلاصة القول اننا مش عارفين نعالج المرض النفسي ده ولا نتعايش معاه و لو جيت تتكلم ف الموضوع ده تبان قصاد بعض من الناس انك معقد و كده بس فعلا الموضوع مهم و يستاهل اننا ندور فيه و نحله ....