حتى لو حسيت بزمن كتير ضاع... برضو ما تقيف... حتى لو مشيت في سكه مسافه طويله و احتجت تغيرها غيرها و ما تقيف... لو حتبدا تاني برضو ما تقيف عشان انت في الحقيقه ما بادي من الصفر... ممكن توقف بس ما توقف كتير وقبل تجري سريع حتمشي بخطوات خايفه و متردده بس ما تقيف... امشي قدام قدر تقدر
انا شخصيا بديت عده مرات من جديد في شغلي غيرت مسار ما لا يقل عن اربعه مرات و في حياتي برضو فشلت و بديت تاني عده مرات... بس ولا مره بديت من الصفر عشان دائما في خبرات و مهارات بلمها في السكه...
لو حكيت لنفسي قبل عشرين سنه انا حسه وين و بعمل شنو ما بتصدقني 😂
لو حكيت لنفسي قبل عشرين سنه انا حسه وين و بعمل شنو ما بتصدقني 😂
اكتشفت بعد العمر و الاحداث الكبيره الحصلت لي انه الاهداف بتتغير يا بالتحقيق او الاستحاله... كمان الاولويات بتتغير و البعجبك بيتغير... بس لو محظوظ تعرف قيمك و دوافعك المحركاك شنو... عشان دي اقل شي ممكن يتغير في حياتك...
السنين بتفضل ليك ناس شويه بحبوك و بتحبهم و معظمهم اهلك و دمك و شويييه اصحاب...
بتفضل ليك برضو عمل طيب و قيمة تضيفها لزول او كم زول او اكتر شويه.
الارث الحقيقي ما انك تكون مشهور و الناس تتذكرك
فهمت بعد زمن انه الارث الحقيقي ممكن يكون زول انت عملت شي بسيط او كبير غير حياتو للاحسن
بتفضل ليك برضو عمل طيب و قيمة تضيفها لزول او كم زول او اكتر شويه.
الارث الحقيقي ما انك تكون مشهور و الناس تتذكرك
فهمت بعد زمن انه الارث الحقيقي ممكن يكون زول انت عملت شي بسيط او كبير غير حياتو للاحسن
المهم... اظني الليله عميق شويه عشان كنت معزوم سمك 😂
جاري تحميل الاقتراحات...