خلال مسيرتي الوظيفيه الطويله تعاملت مع زملاء ورؤساء ومرؤوسين وهولاء هم بعض النماذج التي تكررت:
١- ماطور الماء: {مصدي و فيه تسريب وصوته مزعج و يشتغل}. هذا لا يشتكي واذا لم تسأله ماتدري ايش فيه. لكن اذا تعبثت فيه ابتلشت، يعني اذا شغال خله في حاله حتى يتم تغيره ولاتحاول اصلاحه
١- ماطور الماء: {مصدي و فيه تسريب وصوته مزعج و يشتغل}. هذا لا يشتكي واذا لم تسأله ماتدري ايش فيه. لكن اذا تعبثت فيه ابتلشت، يعني اذا شغال خله في حاله حتى يتم تغيره ولاتحاول اصلاحه
٢-المكيف الخربان: {صوت عالي مافي تبريد و صرف كهرباء}. يعل قلبك ليقوم باي عمل و يدور في المكاتب ليبلغهم باهميته وثقه الاداره به ولاكن في النهايه يضيع وقت وبدون انتاج. يحضركل اجتماعات الاداره و دائما يقدم مقترحات قديمه ومستهلكه بدون فهم او تقدير يعطيك امل لفتره قصيره لكن يرجع لطبعه
٣- السياره القديمه: {كل يوم قطع غيار، وكل مشوار توقف ولازم احد يفزعلك بواير او مضخه هواء او دف}. هذا الشخص طموحاته اكبر من قدراته. ثقه كبيره في النفس ولكن قدرات محدوده و لايمكنك الإعتماد عليه - يدك على قلبك كل ما اسندت اليه مهمه. كل ما رن التلفون يجي في بالك ان عنده مشكله
٣- المكنسة الكهربائيه : {صوت عالي وكفاءتها عاليه}. متخصص يعرف عمله و يجيده لاكن لاتحاول تغير عمله مستعد للقيام بنفس العمل حتى التقاعد بدون كلل او ملل٠ اهم شي عنده لاتغير تقييمه السنوي وعاده تكون علاقاته غير جيده مع معظم الموظفين محد يبي يقرب منه والي يقرب يشفطه.
٤- الدريل: {صوت عالي و لازم صبعك عليه}. اذا ما ترك بدون مراقبه يوهقك. يا شالخ الجدار او قاطع سلك كهرب. مشاكله كثيره يطلع من حفره الى دحديره. بعد مايخلص لازم احد غيره ينظف وراه صخب وغبار وندوب وجروح مايسوى عليك الشغله الي عطيتها له وغالبا ماتتحسف. مسالم لين يشتغل
٥- مكسورة وتبرد: { الباب مفتوح و ما يسكر زين والكموبرسر طايح على الارض} لايمتلك الاناقه و اللباقه ولكنه قمه في الاخلاص يودي عمله بدون تذمر ويودي واجباته على اكمل وجه. لايلقى التقدير الذي يستحق من الاداره العليا الذين لايعجبهم مظهره و اسلوبه مع علمهم ان بدونه لاينجز اي عمل.
٦- الكاتلوج: {يعلمك كل شي تعرفه و الاشياء المهمه الي تحتاجها مالها ذكر}. يبدا الاجتماعات بسرد الاشياء البديهيه الي الكل عارفها وياخذ نص وقت الاجتماعات. المشكله انه لازم يكون موجود في كل اداره حسب متطلبات اداره الموارد البشرية
٧- قلم الجيب الذهبي: {اذا تبي تكتب فيه او توقع مافيه حبر} . وسيم و مرتب دارس بامريكا نص وقته شايل كوب قهوه. في الاجتماعات اول من يحجز كرسي في الصداره و يعلق بالايجاب على مداخلات الجميع. مشكلته الوحيده انه مايسوي شي ولايقوم باي عمل بس رزه.
٨- السكروب (المفك): هذا تراه عده دقايق في بدايه الدوام واخر الدوام في مكتب المدير. لا احد يعرف مهامه ولكن تقويم الاداء عالي و ترقياته منتظمه. له معارف في كل المؤسسات و الدوائر الحكوميه. فقد بريقه مع تطور التطبيقات الالكترونية ولكن لايزال البعض يراه مهما
الهدف من هذه التغريدة ليس الانتقاص او الاستهزاء و لكن لبث الابتسامه و الفرحه في هذه الاوقات الصعبه. جميعنا نمتلك بعض هذه الصفات او جزء منها و هذه لاتخص منظومه ولكن هي وصف لنماذج نصادفها في حياتنا اليوميه واتمنى ان نراها من هذا الجانب واعتذر ان كانت ازعجت البعض
جاري تحميل الاقتراحات...