هكتب تقديري للتحركات السياسية الحالية في ملف السد، وتوقعي للي ممكن يحصل الفترة الجاية، مع تأكيدي على إن ده تقدير موقف سياسي مش عسكري، نبتدي
١- مبدئيا مسألة تدمير السد اللي الناس بتطالب بيها أنا شايفها خيار غير متاح حاليا off the table، ولو كان هيتم كان أولى يتم قبل الملء الأول أو قبل بداية موسم الأمطار وبدء الملء التاني عمليا، المختصين عسكريا بيتكلموا عن ضربة تكتيكية لتعطيل الملء وليس لتدمير السد، لكن هل ده قريب؟
٢- التحركات السياسية الحالية بتقول إن ده خيار أخير في المرحلة، طيب إيه اللي بيجري؟ عشان نفهم اللي بيجري محتاجين نرجع نبص على سنين التفاوض وهنلاقي إن كنت بنسعى لطريق التفاوض الشاق تجنبا لطريق الشكاوي الأشق، واللي بيشترط إثبات الضرر، طيب ليه مش ماشيين فيه دلوقتي؟ لأن برز طريق تالت
٣- الطريق اللي ماشيين هو الضغط على المجتمع الدولي لتحمل مسئوليته عن الأمن والاستقرار والضغط على إثيوبيا لقبول الوساطة واتفاق عادل، مش عن الطريق الرسمي الشاق لكن عن الطريق المباشر بالطلب من أمريكا وفرنسا (الاتحاد الأوروبي) مع استخدام القوة العسكرية كمناورة لإثبات الجدية السياسية
٤- ايه سقف الطريق الحالي؟ هل المل التاني ولا الملء التالت؟ ضيق الوقت مع تضارب التصريحات يخلي التحديد صعب، لكن لو استبعاد الضربة العسكرية قبل شهر بسبب التوتر مع واشنطن فاستبعادها الآن أكثر بسبب تحسنها والتفاؤل بتدخلها للحل، أميل لإن هيتم استمرار الضغط السياسي والعسكري دون عمل فعلي
٥- ايه اللي يصعب حسابات الضربة القاضية؟ أولا كمية المياة المحجوزة خلف السد وإننا في موسم الأمطار، ثانيا اللوبي ال Afro-American في الحزب الديمقراطي ودعمه لإثيوبيا، بالإضافة لإن أديس أبابا في أضعف حالاتها سياسيا منذ ١٩٩١ والضغط الداخلي والخارجي غير مسبوق، ده يخلي الضربة هدية لهم
٦- النظام الأثيوبي بيواجه ضغوط وعزلة دولية بسبب المذابح في تيجراي بالإضافة لتمرد داخلي من قوات لديها خبرة كبيرة في حروب العصابات، بالمقابل مصر بتشهد تحسن كبير في علاقاتها بواشنطن، ده يخلي حسابات مكاسب وخسائر الضربة تصب في صالح الانتظار واعطاء وقت أطول للحل السياسي، لكن لأى مدى؟
٧- تقديري السقف الزمني للحل هيكون بين الملء التاني والملء التالت، مع استمرار الضغط العسكري والدبلوماسي والتصعيد التدريجي، مش بالتهديد بتدمير السد، لكن التهديد بإعادة ضم اقليم بني شنقول-قوميز اللي بيضم السد لو استمرت أثيوبيا في رفضها لاتفاقية ١٩٠٢، وده الخارجية السودانية أشارت ليه
٨- ايه التحرك قبل السقف الزمني للحل: تصعيد تدريجي مستمر ينتهي لإعلان السودان سحب الاعتراف بتبعية اقليم بني شنقول-قوميز لإثيوبيا في ظل رفضها الاعتراف بحصص مصر والسودان من المياة في الاتفاقية، القيام بعملية شاملة بهدف تحرير.اقليم بني شنقول
لكن الهدف الوصول لاتفاق قبل الملء التالت
لكن الهدف الوصول لاتفاق قبل الملء التالت
ده مجرد قراءة التحركات الأخيرة المعلنة للجميع، ولا ينبني على أي معلومة خاصة، والله أعلم
خروج مظاهرات في أثيوبيا دعت لها الحكومة ضد التدخلات الأمريكية، ترفع شعارات ولافتات تطالب بملء سد النهضة، وفي ظل تباطؤ حالي في تعلية الممر الأوسط، مؤشر واضح على وجود ضغوط أمريكية غير معلنة لعدم إتمام الملء الثاني بدون اتفاق
اتجاه الريح لأول مرة في صالحنا
اتجاه الريح لأول مرة في صالحنا
"سلوك إثيوبيا نحو المشكلة الآن يقلقنا جدا، وندرك الأهمية الفريدة لنهر النيل بالنسبة لمصر، مصر تمارس قدرا هائلًا من ضبط النفس، وتسعى إلى التوصل لحل دبلوماسي، وأظهرت قيادة حقيقية. والولايات المتحدة تسعى لإيجاد حل مناسب لكل أطراف النزاع"
قائد القيادة المركزية الأمريكية عن أزمة السد
قائد القيادة المركزية الأمريكية عن أزمة السد
سامح شكري: "سنحث مجلس الأمن الدولي بجلسته اليوم الخميس حول سد النهضة، على مطالبة دول المصب الثلاث بالتفاوض على اتفاق ملزم في غضون ستة أشهر، حول هذا الملف الخلافي"
زي ما توقعت، مفيش تحرك عسكري حالي، والسقف الزمني للتفاوض هيكون بين المل التاني والملء التالت
زي ما توقعت، مفيش تحرك عسكري حالي، والسقف الزمني للتفاوض هيكون بين المل التاني والملء التالت
ملخص اللي هيحصل في كلمة شكري للمجلس:
"نطالب المجلس لدفع إثيوبيا للوصول لاتفاق ملزم، ونأمل أن يدرك خطورة الموقف.
إذا أصرت إثيوبيا على موقفها ورفضت كل الحلول، ليس أمامنا سوى الدفاع عن حق الشعب المصري في البقاء."
مفيش تحرك عسكري هيتم قبل ده ما يكون واضح للعالم كله، يعني لسه شوية
"نطالب المجلس لدفع إثيوبيا للوصول لاتفاق ملزم، ونأمل أن يدرك خطورة الموقف.
إذا أصرت إثيوبيا على موقفها ورفضت كل الحلول، ليس أمامنا سوى الدفاع عن حق الشعب المصري في البقاء."
مفيش تحرك عسكري هيتم قبل ده ما يكون واضح للعالم كله، يعني لسه شوية
التحركات الدبلوماسية المصرية والسودانية بتؤتي نتائجها وابتدى العالم يهتم وتظهرله الصورة بوضوح مين اللي بيسعى للتفاوض ومين المتعنت، احنا بنكسب دبلوماسيا من الجلسة دي أيا كان حجم المكسب، وسواءا هنحسمها دبلوماسيا أو عسكريا لازم نكسب دبلوماسيا في كل الأحوال!
بتاريخ فبراير ٢٠١٣
خبرتنا السياسية مع السيسي في ٢٠١٣ تخليني أرجح إن اللي بيحصل جزء من مخطط مرسوم مش تحركات عشوائية وله توقيت محدد بالتحرك، أظن ده له شواهد تدعمه مش مجرد تمني
خبرتنا السياسية مع السيسي في ٢٠١٣ تخليني أرجح إن اللي بيحصل جزء من مخطط مرسوم مش تحركات عشوائية وله توقيت محدد بالتحرك، أظن ده له شواهد تدعمه مش مجرد تمني
جاري تحميل الاقتراحات...