شاب في العناية عامل حادثة بقاله شهر، وماينفعش الريلاتيفز يقعدوا مع عيانينهم في العناية، أخته تعمل ايه، قاعدة معانا في طوارئ الباطنة اللي جمب العناية بالظبط تشوف البيشنت اللي معهاش ريلاتيف وتقعد تخدمها وتغيرلها وتأكلها وتديها أدويتها كأنها تخصها بالظبط، لحد ما العيانة
تخرج أو تتوفي تروح تشوف عيانة تانية وهكذا عايشة معانا في الطوارئ، الأمن ييجي يزعق عشان ريلاتيف واحد بس مع كل حالة تجري تقعد جمب الحالة لحد ما يمشي، بقت حافظة أماكن الحاجات في العناية زينا، اتعرفت علي التمريض وخلته يعلمها الحقن، وقت الزيارة تدخل لأخوها وتطلع معيطة،
نقعد نهدي فيها لمدة خمس دقايق وبعدين نلاقيها رجعت تهزر وتضحك تاني، في موقف بنشوف فيه فيه كل معاني الإنسانية والحب والحنان اللي اتزرع في قلبها، أتمني ربنا يجعل لينا نصيب من الجمال والطيبة اللي عند الناس دي..
جاري تحميل الاقتراحات...