ثريد: ما يزعج كل برج .. #أبراج #خرائط_فلكية
عندي حب كبير للموضوعات الترفيهية اللي من خلالها بنقعد ننم علي الأبراج بهدف التسلية. وفي الثريد دي هتكلم عن الطباع والأمور اللي بتزعج كل برج وتقدر طبعاً تقرأ برج طالعك، شمسك او قمرك عزيزي القارئ. وكمان اللي منكم حابب يضيف نقط زيادة ينطلق وخلينا نفرفش شوية 💃🏻
برج #الحمل: بالتأكيد اكتر حاجة بتزعجه عدم الوضوح، قلة الالتزام، مش بيحبوا الناس اللي بلا هدف او العشوائية وماتعرفش حدودها لأن الحمل شخص حاد فمش بيحب حد يتطفل عليه أو يتعدي علي خصوصيته. احياناً بتجد انه بيلاقي صعوبة في التعامل مع اصحاب الاعصاب الباردة او اللي مش بيجيبوا من الاخر.
برج #الثور: بيكره التسرع والزن وصعب يرتاح مع الأشخاص العصبية او اللي بتعك الدنيا وتقل ادبها وترجع تعتذر او تقول مش قصدي معلش، الثور مش بتاع معلش. مش بيحب حد يضغطه او يحشر نفسه في حياته بالعافية وبينزعج من الانانية في التعامل او استغلاله بوضوح او انه يغير روتينه لوقت مؤقت.
برج #الجوزاء: بينزعج من التقليد سواء اشخاص مقلدة او اي شخص بيحاول يقلده. بينزعج من الأحكام السطحية فبيجد صعوبة في تقبل الأشخاص اللي بتحكم عليه بناءً علي شكله، لبسه، اسلوبه حتي لو فيهم مدح ليه سهل يقفل من الأشخاص اللي حكمها عليه مبني علي أمور ظاهرية اكتر. المماطلة بتقتلهم :D
برج #السرطان: مش بينسجم مع الناس الدقيقة اللي دايماً عندها اعتراض ومش بيفهموا الناس اللي مصممة تنتقدهم او تعلق علي كلامهم وتصرفاتهم بأستمرار. السرطان بينزعج من الناس اللي مركزة معاه بزيادة او اللي عايزة تعرف اخر اخباره طول الوقت ده غيره انه بيحب يجهز نفسه فبيكره التغيير المفاجئ.
برج #الأسد: بتزعجه المزاجية والتقلب في التعامل او المشاعر، بيكره التردد والقلق فمش بيعرف يتعامل مع الأشخاص اللي بتظهر وتختفي او الأشخاص اللي قلبها ضعيف وأقل حاجة تأثر عليهم ومش بيحب حد يتهمه بالبرود او الانانية وعدم الاهتمام دي حاجة ممكن تجرحه. فكلمة بحبك او بكرهك بتفرق مع الاسد.
برج #العذراء: بينزعج من الشخص اللي رافض المساعدة والمكابر واكتر برج بيكره الشخصيات النرجسية مع انه اوقات بيجذبهم والمضحك ان بيتم اتهام العذراء بالنرجسية ودي من الأمور اللي بتزعجه. سهل يجد صعوبة في التعامل مع الأشخاص اللي عايزة اهتمام دائم او حاسة انها محور الكون وعارفة كل حاجة.
برج #الميزان: بينزعج من البخل بشدة سواء في المشاعر، الفلوس أو التعاملات ولذلك صعب ينسجم مع الناس اللي بتحسبها بأستمرار او الاقتصادية بزيادة وبيتعصب لما الناس تعلق علي اسلوب حياته او علي ذوقه او علي الأمور اللي بيشتريها ولذلك اوقات بينزعج من الانتقاد او من ان حد ينصحه بالعافية.
برج #العقرب: بينزعج من الأشخاص المثالية بزيادة يعني سهل يعصبه الشخص المرسوم قوي او اللي كل حاجة في صح قوي لأن العقرب بيكره التصنع فمش بيحب الناس اللي بتتعامل بالشوكة والسكينة طول الوقت او الحيادية بزيادة حتي الحاجات الكيوت او الرومانسية قوي سهل تزعجه وتحسسه ان في حاجة غلط.
برج #القوس: بينزعج من الأشخاص اللي بتقرأ شخصيته او بتفهمه بسرعة لأنه بيحب يكون عنصر مفاجأة للجميع فلو حس ان في حد فاهمه او عارف اللي هو عارفه بيحس بتوتر وقلق كبير. كمان بيكره الأشخاص اللي بطبعها بتحب تتجسس سواء عليه أو علي الآخرين ومش بيعرف يتعامل مع المواقف الحزينة بتخوفه.
برج #الجدي: بيكره الاقوال بدون أفعال، الأشخاص اللي بتعمل عكس اللي بتقوله بتثير اعصابه بشكل لا يمكن وصفه. مفيش مشكلة عند الجدي انك تغلط بس هيكرهك لو رفضت تعترف بغلطك والموضوع هيزعجه للأبد وبالتالي مش بيعرف يتعامل مع الناس اللي بتصمم علي انها صح او اللي مش بتشوف نفسها غلطانة.
برج #الدلو: الأوامر والمواعيد بتزعج الدلو بشكل كبير وبالتالي مش بينسجم مع الأشخاص المتسلطة، اللي طول الوقت عايزة منه خدمة، مصلحة او بتحاول تستعمله وتعتمد عليه بزيادة. بيتعصب من فرض الالتزامات عليه وده لانه بيحب يتحرك بمزاجه ولذلك بيكره يحس انه مقيد بالتزام او بشخص او بميعاد مثلاً
برج #الحوت: بيكره الامور المنطقية بزيادة والعلمية المعقدة مش لانه ضد العلم بالعكس هتجد عباقرة وعلماء كتير من البرج ده ولكن لأن طاقتهم حالمة وابداعية فمش عايز حاجة تقتل عنصر الخيال والروح ولذلك سهل الاعتماد علي التكنولوجيا بزيادة يزعجه والبرود وعدم الإنسانية في التعاملات تغضبه.
🌟 كالعادة خريطتك ليها الكلمة الأخيرة وتأكد ان مفيش بطل لحكايتك غيرك 🕊️
حقيقي متحمسة اعرف ايه اكتر حاجة بتزعجك عزيزي القارئ ولو تحب اذكر طالعك، شمسك او قمرك.
وفي النهاية اتمنى للجميع يوم مشرق، مبهج وجميل 🌿
بحبكم أبطالي 🦄 💜
حقيقي متحمسة اعرف ايه اكتر حاجة بتزعجك عزيزي القارئ ولو تحب اذكر طالعك، شمسك او قمرك.
وفي النهاية اتمنى للجميع يوم مشرق، مبهج وجميل 🌿
بحبكم أبطالي 🦄 💜
جاري تحميل الاقتراحات...