رتبها

سلام
بعد التفاعل الرهيب اللي صار عالحساب الفترة الماضية كما هي العادة اشارككم الارقام والتفاصيل نتعلم منها
هذه السلسلة تحمل الكثير من المفاجآت والارقام والتحليل العميق لكل شخص مهتم بالتسويق على تويتر
تغريدات:250
ظهور: نص مليون
متابعين جدد:500
سوي لايك وجيب شاي وخلينا نمخمخ

اول شي كيف تشوف تحليلات حسابك ؟
تدخل تويتر من الكمبيوتر وتضغط على النقاط الثلاث وبعدها تضغط على "تحليلات" او "Analytics" وبتطلع لك تحليلاتك خلال الشهور الماضية ...
اللي شغال على تويتر وماقد شاف التحليلات فاته فرص عظيمة ... ليه؟

التحليلات سواء على تويتر او غيره تفيدك عشان تشوف مجهوداتك التسويقية هل جابت نتيجة او لا تخيل لو انك تعبت شهر كامل على استراتيجية ومامنها اي فايدة ... هل حتكمل؟ لا طبعاً ...
بدايتي في اختراق تويتر والتعلم كيفية التسويق عليه كان اعتمادي الاساسي على التحليلات من تويتر ...

وراح اعرضها لكم حبة حبة عشان نشوف فين النقاط والخفايا اللي نحللها
اول شي في التحليل الشريط اللي فوق يعطيك ارقام التغريدات والظهور والمتابعين الجدد وغيره..طيب ايش نستفيد؟
اهم شي تشوفه هو كل تغريدة وكيف المردود منها عشان تفهم جمهورك ايش اكثر شي عجبهم وجذبهم الكلام والمحتوى وغيره

الشي الثاني المهم هو معدل التحويل ...
مثلاً:
-اللي شافو التغريدة كم شخص دخل ملفي الشخصي
-اللي دخل ملفي الشخصي كم شخص تابعني
-اللي شاف التغريدة كم شخص فتح الصورة او ضغط على رابط وهكذا ...
عشان تشوف كم نسب ومعدلات التحويل وتحاول تحسنها ... خلونا نمسك وحدة من اللي فوق ونحللها

"اللي دخلو ملفي كم واحد تابعني"
هنا تشوف كيف حسابك والصورة والبايو والرابط واول تغريدات عندك كيف هل هي جاذبة للشخص انه يتابعك ويتفاعل معاك او لا؟
وتحاول تحسنها ...

من ضمن التحليلات اللي تعجبني تشوف اكثر تغريدة صار عليها تفاعل وتحللها كمان اقعد مع كوب شاي ومخمخ عليها ...
طيب التغريدة هذي ليه عليها تفاعل كبير؟
مثلاً الناس تبحث عن مشاريع بدون رأس مال ... التصرف هنا انك تسوي تغريدات كيف تسوي مشاريع بدون راس مال ... ضروري تقدم قيمة عالية

طيب افضل منشن لك؟
الشخص اللي عملك منشن وصوله رهيب والتفاعل عنده عالي ... او لو هو عمل منشن في رد تشوف مين صاحب التغريدة .. هذول الاشخاص تخليهم اصحابك كل يوم تتفاعل معاهم وترد عليهم ووو ...

شغلة مهمة ايضاً ... التغريدة الوسائط الافضل لك؟
هنا تقارن بين التغريدات اللي فيها وسائط اي وحدة افضل ...

والمفاجأة الرهيبة اللي راح تصدمك حتلاقي كل شهر اقوى شخص تابعك ... وانت تشتغل حتلاقي اشخاص معروفين ومشاهير ... هذا شخص قدير اعتبره ناجح وقدوة في مجاله واتابع اخباره من بعيد رغم اني مااتابعه لكنه تابعني وحتى الان مااعرف كيف وصلني او كيف عرف حسابي ...

وهذا سر من اسرار التسويق على تويتر راح افصل فيه في كتاب او دورة لانه يحتاج تفصيل وماتكفيه تغريدات لكن بشكل مختصر كيف تخلي المشاهير والمؤثرين يعملك ريتويت بدون ماتقوله ;)
الطريقة باختصار
1-شوف طريقة كيف توصله: رد عنده او يكون يتابعك او تعمله منشن ...

2- الشي المهم تدخل حسابه وتشوف كل تغريداته وتفاعلاته وكل الاشياء اللي عملها ريتويت عشان تفهم هو ايش يحب وايش يحب ينشر في حسابه ...
طبعاً كل اللي عليك تبني استراتيجتك في بعض التغريدات عليه وتجرب وتشوف النتيجة ...

طبعاً لو امسك كل رقم احلل فيه راح اطلع بثريد كامل ... الموضوع يبغاله جلسات وتفصيل اكثر لايسعه ثريد واحد ... هنا قلت اعطيكم بعض من التلخيص ...
النصيحة الاخيرة ركز على التفاعل ومعدل التحويل اكثر من كم شخص تابعك ... للاسف الناس تتحمس لعدد المتابعين حتى لو مشتريهم او مسوي مسابقة

تدري انك من 100 او 1000 متابع تقدر تجيب مصدر دخل جديد وقد يكفيك كدخل يغطي مصاريفك ... واكثر ... يعتمد حسب جودة تغريداتك ومحتواك ... يجيني شخص يقول عندي 100 الف متابع ولا استفدت منهم اسأله كم سؤال وبعدها جوابي يكون:
سوي حساب جديد واشتغل عليه بشكل مرتب من الصفر ...

في عندي ارقام من حساب ثاني كان المتابعين عندي يمكن حول 1000 وقارنت حسابي مع حساب شخص معروف ومؤثر متابعيه 60 الف تقريباً لقيت حسابي افضل منه كتفاعل ومردود ...

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد