أصل الموضوع كالآتي .. وزير الخارجية لما قال في الجزء الأول من سياق الكلام فيما معناه إن الملئ الثاني مش هيأثر على حصتنا المائية .. هو هنا يقصد إن الأضرار السريعة مش هتصيبنا ، يعني مفيش عجز المياه العاجل علشان بس لسه فيه مخزون .. لكن هو ماقالش أبدًا إن مصر هتسمح بأي ملئ أحادي 1)
في جزء السياق الثاني إتكلم عن (الأضرار الجسيمة) لدولتين المصب في حالة الملئ الأحادي .. الواقع بيقول الملئ الثاني تهديد حقيقي للسودان .. وده معناه إن السودان هي اللي هتتحرك أكتر لأن الملئ الثاني يمس حياتها حرفيًا ، واللي هيهدد السودان هيهددنا ، لأن السودان معندهاش بدائل لحصتها 2)
فكده هتضطر تطلب من حصتنا مثلاً وبكده هيبقى عندنا مشكلة في وقت قريب .. لكن الأهم من كده .. خطر الفيضانات لو دولة أبرهة فتحت السد .. السودان في خطر .. خطر مفيهوش هزار ، وإتفاق المبادئ في صف مصر والسودان من الناحية دي زي باقي النواحي .. فكده كده مواقع الأخبار تعتبر إستسهلت توضح 😑
معلش .. هتكلم في نقطة كده ممكن تبقى وعرة ، (التخوين) ... فيه ناس كده بتتكلم عن فكرة "النظام باع النيل" وكأن الموضوع إن الشعب معندوش أي ضمانات لحقه بس غير ثقته في القيادة .. وفيه أعداء للبلد بيحاولوا يلعبوا على الوتر ده .. وباينين ومكشوفين . لأ ، الموضوع ده لازم كلنا نفهم أبعاده
إحنا كشعب مش مسلمين ملف سد أبرهة للقيادة وإحنا مغمضين ، لأ .. إحنا بنهتم بالقضية دي لأنها سبب رئيسي في ثورة 30 يونيو ، إنتوا فاكرين إنها قامت ضد مرسي وجماعته بس؟ . لأ ، دي قامت على اللي إتصدروا المشهد التلفزيوني بعد يناير زي اليساريين والناشطين الإنهزاميين (منهم حمدين على فكرة)
كان هدفنا من ثورة يونيو 2013 يكون عندنا إدارة وطنية تقدر تعالج الأزمات اللي حصلت بعد يناير وقبلها بطبيعة الحال .. فعلشان كده موضوع سد أثيوبيا يهمنا أكتر من أي حد .. يكفي إن جماعة مرسي إتسببت في كوارث أكتر خلت الموضوع يتفاقم وقبل منه الوفد الشعبي العجيب (اللي كان من ضمنه حمدين)
فمبدئيًا كده ، أي فئة هتكون تابعة للطرفين دول .. ملهمش إنهم يتكلموا تاني ، لأنهم إتسببوا في المشاكل دي أصلاً ، وهما بعد ثورة يونيو خونوا القيادة الحالية قبل كده في موضوع تيران وصنافير وطلعوا غلط ، كانوا في صف تركيا لما الصراع في ليبيا دخل منحنى خطير .. الخلاصة 10 يونيو مؤامرة
نرجع بقى لموضوع ضماناتنا كشعب بخصوص القضية ، مبدئيًا زي ماقلت ، مش مسلمين الملف وإحنا مغمضين .
-
1) جربنا القيادة السياسية الحالية 7 سنين في مواضيع طويلة الأمد زي (الحرب على الإرهاب ، تحرير سعر صرف الجنيه ، القضية الليبية) كانت إختبارات حقيقية تخلينا نضيف ثقة "بس مش عمياء"
-
1) جربنا القيادة السياسية الحالية 7 سنين في مواضيع طويلة الأمد زي (الحرب على الإرهاب ، تحرير سعر صرف الجنيه ، القضية الليبية) كانت إختبارات حقيقية تخلينا نضيف ثقة "بس مش عمياء"
2) موضوع زي ده مفيش حاجة فيه هتستخبى .. يعني مثلاً لو فيه إتفاق خفي إن الموضوع ده يتم تمريره .. فيه أطراف هيهمها تكشف الموضوع والإتفاق بوثائق .. أولهم السودان لأنه أكتر حد متهدد بحياته بشكل عاجل .. بالونة متابعتنا للقضية (السودان .. هي اللي بتخلينا نحكم كشعب على القضية)
3) الرئيس السيسي في مداخلة تليفونية مع عمرو أديب قال إن الشعب هو اللي في إيده يعمل . يعني معنى كده بالمنطق إن فيه مرحلة هتتطلب وجودنا بشكل مباشر قصاد العالم ، وطبعًا إحنا عايزين القضية تتحل . إحنا بندافع عن قيادات الدولة علشان مصر ، مش العكس ياجماعة ، ماتصدقوش إن المصريين بيطبلوا
4) فيه دول مراقبة الموضوع ده ، وليها إعلام .. فلو فيه نقطة من ناحيتنا فيها تقصير هتظهر وهنعرفها ، والعكس برضه لو فيه تقصير من الإعلام في نقطة هنعرفها ونكشفها .. الدليل تغطية مواقع الأخبار لتصريحات وزير الخارجية ، ماوضحوش السياق الثاني .. وده اللي مخلينا مصحصحين ، مفيش حقيقة هتخفى
المنطق الطبيعي إن الواحد يساند قيادات بلده في أي قضية لو عندها درجة ثقة ناتجة عن دلائل وشواهد وتواريخ قبل كده . مفيش ملف خارجي فشل قبل كده ، يعني فيه ناتج بنتكلم على أساسه . لكن اللي بيزايدوا وبيتاجروا هما اللي فشلوا قبل كده وعرفنا إنهم مش عايزين الخير لينا ، دول بتوع مصالحهم
يعني المصريين هما اللي إتصرفوا صح ، واللي هيخدعهم هيتقفش ، علشان الشعب ده أهم حاجة عنده بلده .. وزي الرئيس السيسي ماقال إنه معندوش فواتير لحد ، إحنا كشعب ملناش فواتير .. اللي بيقصر بنقول إنه مقصر ، واللي نجح بنقول إنه ناجح .. ولما بنقلق بنعبر عن قلقنا .. إحنا شعب حر في بلد حرة
جاري تحميل الاقتراحات...