في وباء ابن ستين كلب حاليا إسمه mucormycosis بييجي للناس الكبار في السن واللي عندهم أمراض مزمنة أو مناعتهم واقعة و ابتدى يزيد بشكل غير طبيعي الفترة دي بعد الكوفيد.. المريض مرة واحدة مناخيره تتقفل و في خلال يومين تلاتة كل نسيج الأنف الداخلي بيموت زي الغرغرينا كده.. 1
بيبتدي يسحب بعديه على العين تطلع لبرا و المريض يفقد بصره تماما في العين دي و بعدها يزحف على المخ و يعمله جلطات و التهاب فطري في المخ و المريض خلال كام يوم لو متلحقش بعلاج قوي جدا في عناية مبيكملش.. الموضوع كله ممكن مياخدش آكتر من أسبوع و حالة الشخص بتتدهور تماماً..
خلال ال٣ أسابيع إللي اشتغلتهم في القسم شوفت فوق ال١٢ حالة دخلوا خلال الفترة دي و آكتر من نصهم حاليا اتوفوا.. في حين إن قبل الكوفيد الدكاترة الاكبر مننا ممكن مثلا كانوا يشوفوا حالتين تلاتة بالكتير طول فترة نيابتهم.. متخيلين النسبة؟!
ايه هو الmucormycosis؟
دا التهاب فطري بيصيب إللي مناعتهم ضعيفة أو عندهم أمراض مزمنة زي الضغط و السكر و موجود من زمان بس حالاته كانت بتبقى نادرة جدا.. حاليا و بعد الكورونا و خصوصا في كبار السن أصحاب الامراض المزمنة ابتدى الموضوع يبقى منتشر بشكل عنيف و سريع و الأبحاث شغالة على سبب
دا التهاب فطري بيصيب إللي مناعتهم ضعيفة أو عندهم أمراض مزمنة زي الضغط و السكر و موجود من زمان بس حالاته كانت بتبقى نادرة جدا.. حاليا و بعد الكورونا و خصوصا في كبار السن أصحاب الامراض المزمنة ابتدى الموضوع يبقى منتشر بشكل عنيف و سريع و الأبحاث شغالة على سبب
ازاي ممكن نلحق حد قبل ما يوصل لمراحل اللارجعة؟
أولا الضغط و السكر و الذي منه يبقى متظبط بالعلاج كويس جدا.. كبار السن لو أخدوا كوفيد و عدوا منه و اشتكوا بعد كده من إفرازات من الأنف زي قشور كده أو فقدان إحساس جوا الأنف أو سقف حلقهم من جوا ابتدى لونه يغير متستهونوش بشكواهم..
أولا الضغط و السكر و الذي منه يبقى متظبط بالعلاج كويس جدا.. كبار السن لو أخدوا كوفيد و عدوا منه و اشتكوا بعد كده من إفرازات من الأنف زي قشور كده أو فقدان إحساس جوا الأنف أو سقف حلقهم من جوا ابتدى لونه يغير متستهونوش بشكواهم..
لو قالك إن نظره ضعف في فترة صغيرة (أيام) و في عين واحدة اكتر من التانية أو جفنه وقع أو عينه ابتدت تجحظ لبرا *كده ابتدى ينتشر للعين*.. لو ابتدت عنده اعراض جلطة أو مش في وعيه آوي *ابتدى ينتشر للمخ*
متستهونوش بشكوى أهاليكم مهما كانت بسيطة و اكشفوا.. ربنا يعافي الجميع و يزيح الغمة
متستهونوش بشكوى أهاليكم مهما كانت بسيطة و اكشفوا.. ربنا يعافي الجميع و يزيح الغمة
دا فيديو اتبعتلي من كام يوم إن الموضوع دا دخل في outbreak في الهند بعد ما الدنيا انتشرت عندهم.. شارح شوية إيه إللي بيحصل للمريض وقتها
facebook.com
facebook.com
يعني أنا دخلت القسم دا عشان مافيهوش مآسي كتير ولا نسبة وفيات عالية.. يطلعلي القرف دا في البخت و إحنا المسئولين أولا و أخيرا عنه 🤦🏽♀️ حسبي الله..
و ادي سمير غانم رحمة الله عليه.. بعد الكوفيد برضو 🤦🏽♀️
الغرض من التويتة مش اثارة الذعر و لا رصد أرقام و لا إن كل حد اهله جالهم كورونا يبقى اكيد هيجيلهم ميوكر.. الغرض هو توعية الناس بضرورة عدم الاسراف في مثبطات المناعة، عدم تجاهل أي اعراض جدت على شخص ذو مرض مزمن و أهم من كل دا وضع الامراض المزمنة تحت السيطرة بالعلاج المخصص لها.
جاري تحميل الاقتراحات...